Dhe për pjesë e këtij konkursi është një çmim 4,000 dollarësh për fituesit. Është një eveniment mjaft atraktiv për shumë zhvilluesë aplikacionesh, të cilët do të asistohen nga profesionistë të teknologjisë për të arritur objektivat:
- Përmirësimit të proçesit të rekrutimit;
- Dixhitalizimit të proçesit të kërkesave;
- Vizualizimit të buxhetit dhe kontrollit të faturave.
Kjo do të ketë një impakt direkt në rritjen e transparencës në nivel lokal njëkohësisht duke promovuar angazhimin qytetar për zgjidhjen e problemeve më shqetësuese të tyre.
Çdo projekt do të paraqitet përballë një jurie e përbërë nga: Mimoza Lila Kusari, Kryetare e Komunës së Gjakovës; Shqipe Neziri, Menaxhere projekti pranë SAEK; Arbër Leshi, Ekzekutiv Teknik pranë qendrës Bonevet.
Pjesëmarrësit në këtë konkurs do të asistohen nga 8 mentorë dhe profesionistë të teknologjisë.
Të gjithë me moshë mbi 18 vjeç kanë mundësi të aplikojnë gjer në datën 19 nëntor. Tre projektet më të mira do të shpërblehen me qëllim realizimin e plotë të projektit të aplikacioneve të tyre. Aplikimet mund t’i kryeni duke vizituar webpage e DIGI Gjakova.
Ky eveniment mbështetet nga Komuna e Gjakovës, Qendra Bonevet, Zyra Zviceriane për Bashkëpunim në Kosovë dhe Programi i Zhvillimit të Kombeve të Bashkuara (UNDP).
/PC World Albanian/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
