10 degët e preferuara në tregun e punës, jo nuk është inxhinieria e para

Cilat degë universitare janë më të preferuarat për punëdhënësit që punësojnë të sapodiplomuarit?

Sipas Winter 2026 Salary Survey të National Association of Colleges and Employers (NACE), që mbledhi përgjigje nga 150 organizata anëtare, kjo është lista e 10 degëve më të kërkuara dhe përqindja e kompanive që planifikojnë të punësojnë të sapodiplomuarit e secilës:

1. Financa – 61.3%

2. Inxhinieri Mekanike – 61.3%

3. Shkenca Kompjuterike – 60%

4. Kontabilitet – 58.7%

5. Administrim Biznesi – 58.7%

6. Inxhinieri Elektrike – 51.3%

7. Shkencat e Informacionit dhe Sistemet – 48%

8. Logjistikë / Supply Chain – 44.7%

9. Marketing – 44%

10. Burimet Njerëzore – 40%

Tregu i punës për të sapodiplomuarit ka qenë sfidues vitet e fundit. Në 2025, ekonomia amerikane shtoi vetëm 181,000 vende pune, shumë më pak se 1.46 milion vitin e kaluar. Shumë kompani po kufizojnë punësimet fillestare.

Megjithatë, NACE raporton se paga fillestare për të sapodiplomuarit parashikohet të rritet në shumicën e degëve kryesore. Për shembull, shkenca kompjuterike pritet të ketë një pagë mesatare prej 81,535 dollarë në vitin 2026, një rritje prej 6.9% nga viti 2025.

“Shumica e punëdhënësve planifikojnë të rrisin pagat, që është lajm i mirë duke pasur parasysh se numri i punësimeve për vitin 2026 pritet të qëndrojë i njëjtë,” tha Shawn VanDerziel, president dhe CEO i NACE.

cnbc