Grimi për meshkuj po bëhet një nga segmentet më fitimprurëse të industrisë së bukurisë, falë Gen Z dhe ndikimit të rrjeteve sociale. Më shumë burra po e shohin grimin si një mjet për t’u dukur më të freskët dhe më të përgatitur, jo si diçka tabu.
Shitjet globale të produkteve për grooming të meshkujve pritet të tejkalojnë 85 miliardë dollarë deri në 2032, me rritjen më të madhe të nxitur nga rutina e kujdesit për lëkurën që i tërheq burrat drejt grimit dhe blerjeve të përsëritura. Në SHBA, vetëm në 2025, shitjet e grooming-ut për meshkuj arritën 7.1 miliardë dollarë, rritje prej 6.9% krahasuar me vitin e mëparshëm.
Lexo gjithashtu: Ky themelues 22-vjeçar sapo lançoi një AI që mendon si një shkencëtar i vërtetë dhe është falas!
Së fundmi, shumë kompani kanë ndryshuar mënyrën se si i promovojnë produktet për meshkuj: display-të janë bërë më neutralë gjinorë, influencuesit në TikTok dhe Instagram janë përdorur për edukim digjital dhe për të treguar si përdoren produktet. Brenda platformave online, përdoruesit mund të mësojnë hapat për grimin për meshkuj përmes tutorialeve pa u ndjerë të turpëruar.
“Burrat po e shohin grimin si pjesë të rutinës së tyre, jo si luks ose vanitet,” thotë Delphine Horvath, profesoreshë e marketingut të kozmetikës në FIT. “Ky riformatim heq stigmat dhe rrit shpenzimet.”
Edhe ndikimi i personazheve të famshëm ka ndikuar: yjet si Harry Styles, Brad Pitt dhe Dwayne Johnson kanë lançuar linja të tyre të kujdesit për lëkurë dhe grimi, duke i dhënë më shumë legjitimitet trendit.
Sipas Horvath, në dhjetë vitet e ardhshme nuk do të flitet më për “grimin për meshkuj”, por thjesht për grim. Binari gjinor në bukuri po zbehet, dhe tregu po përputhet me kulturën e re që pranon diversitetin dhe fleksibilitetin gjinor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
