Mbi 103 mijë palë veshje të dyshuara si të falsifikuara janë bllokuar nga autoritetet doganore në Portin e Durrësit, në një operacion të ndërmarrë nga Drejtoria e Antikontrabandës në bashkëpunim me Degën Doganore Durrës.
Sipas njoftimit zyrtar të Drejtoria e Përgjithshme e Doganave, gjatë kontrollit u konstatuan sasi të konsiderueshme veshjesh që mbanin marka të njohura ndërkombëtare: si Adidas, Nike, Gucci, Dior, Hugo Boss dhe Calvin Klein, si edhe bluza sportive të skuadrave të njohura europiane.
Autoritetet bëjnë të ditur se mallrat janë bllokuar menjëherë, ndërsa kanë nisur procedurat përkatëse ligjore për verifikimin dhe hetimin e mëtejshëm të rastit, në kuadër të mbrojtjes së të drejtave të pronësisë intelektuale.
Lexo edhe: Shqiptarët ‘braktisin’ vendin pas pandemisë, 138 mijë ikje më shumë se kthime
Doganat shqiptare theksojnë se do të vijojnë kontrollet e imtësishme ndaj subjekteve me risk, duke paralajmëruar tolerancë zero ndaj çdo përpjekjeje për të futur në treg mallra që cenojnë markat tregtare dhe shkelin Kodin Doganor.
“Drejtoria e Përgjithshme e Doganave rithekson angazhimin për tolerancë zero ndaj çdo subjekti që cenon pronësinë intelektuale dhe shkel Kodin Doganor, duke vijuar kontrollet e imtësishme ndaj subjekteve me risk”, thuhet në një njoftim të “Doganave”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
