I njohur si një nga qendrat më të rëndësishme ekonomike dhe bujqësore të Shqipërisë, Fieri është një qytet me identitet të fortë lokal, kulturë ushqimore të larmishme dhe kërkesë gjithnjë e në rritje për shërbime moderne dhe bashkëkohore. I pozicionuar në mënyrë strategjike pranë qytetit antik të Apolonisë dhe si një nyje e rëndësishme lidhëse mes jugut dhe Shqipërisë së mesme, Fieri luan një rol thelbësor në tregtinë rajonale dhe jetën e përditshme.
Sot, Fieri zyrtarisht bëhet pjesë e hartës së Wolt, ndërsa kompania teknologjike e njohur për lehtësimin e jetës së përditshme përmes shërbimeve të shpejta dhe të besueshme të shpërndarjes vijon zgjerimin e saj në të gjithë Shqipërinë.
Duke nisur nga sot, banorët e Fierit mund të porosisin nga më shumë se 50 biznese lokale përmes aplikacionit Wolt, duke përfshirë partnerë të njohur si Eco-Market, Pizza Roma, Casa di Pizza, Pizza Corner dhe Egnatia, duke shijuar një përzgjedhje të gjerë ushqimesh dhe produkte thelbësore të përditshme, të dorëzuara shpejt dhe me lehtësi.
Shërbimi do të operojë çdo ditë nga ora 08:00 deri në 23:00, duke mbuluar një rreze shpërndarjeje prej 6 km, ndërsa dërgesat do të realizohen ekskluzivisht përmes Wolt Delivery, duke garantuar shpejtësi, besueshmëri dhe standarde të larta shërbimi në mënyrë të qëndrueshme.
Lexo edhe:Wolt mbërrin në Shkodër: Qyteti verior mirëpret epokën e re të dorëzimeve novatore
“Nisja e operimeve të Wolt në Fier përfaqëson një moment të rëndësishëm në zgjerimin tonë në të gjithë Shqipërinë. Fieri ka një komunitet të fortë biznesesh lokale dhe një kërkesë gjithnjë e në rritje për shërbime digjitale bashkëkohore. Përmes Wolt, synojmë të mbështesim tregtarët lokalë, të krijojmë mundësi fitimi për korrierët dhe t’u ofrojmë banorëve një eksperiencë shpërndarjeje të besueshme, në të cilën mund të mbështeten çdo ditë,” u shpreh Lisandri Gragoj, Drejtor i Përgjithshëm i Wolt për Shqipërinë dhe Kosovën.
Me këtë zgjerim, Wolt vijon të forcojë rolin e tij si një partner i besueshëm për komunitetet lokale, duke fuqizuar bizneset me mjete digjitale për rritje dhe duke u ofruar konsumatorëve një mënyrë moderne dhe pa stres për të pasur të arritshme ushqimet dhe produktet e tyre të preferuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
