Ylli amerikan televiziv dhe sipërmarrësja Kim Kardashian, zbuloi se përdori ChatGPT ndërsa studionte për provimin e jurisprudencës dhe pretendon se Inteligjenca Artificiale më shumë e pengoi se sa e ndihmoi.
Në një intervistë për serinë e Vanity Fair “Lie Detector Test”, Kardashian, 45 vjeç, foli për përdorimin e saj të AI-së. Gjatë intervistës, bashkëaktorja e saj në serialin All’s Fair, Teyana Taylor, e pyeti nëse ajo e përdor ChatGPT për “këshilla për jetën”, “këshilla për takime” apo nëse e sheh chatbot-in “si një mik”. Pasi u përgjigj “jo” për tre pyetjet e para, Kardashian zbuloi se e ka përdorur ChatGPT për “këshilla ligjore.”
“Kur më duhet të di përgjigjen për një pyetje, e fotografoj dhe ia dërgoj aty. Dhe kjo më ka bërë të dështoj në teste … gjatë gjithë kohës,” shpjegoi Kardashian. “Pastaj mërzitem dhe filloj t’i bërtas.” “Pra, është si një armike-mike?” e pyeti Taylor, 34 vjeç, dhe Kardashian u përgjigj: “Po, një armike-mike. Dhe pastaj më kthen përgjigje: ‘Kjo po të mëson të besosh instinktet e tua. Ti e dije përgjigjen që në fillim.’” “Pra, të ka zbuluar,” i tha Taylor. “Më ka zbuluar,” shtoi Kardashian me humor.
Lexo edhe: Njihuni me “Circus Autonomy One”, roboti që gatuan, pastron dhe shërben vetë!
“Teknikisht, ti dhe ChatGPT jeni mike, por mike toksike,” tha Taylor, dhe Kardashian u pajtua. “Por ata duhet të bëjnë më mirë, sepse unë mbështetem tek ata që të më ndihmojnë, ndërsa ajo më jep mësime jete dhe më bëhet si terapiste, duke më thënë pse duhet të besoj më shumë tek vetja, pasi më ka dhënë një përgjigje të gabuar,” vazhdoi ajo. “Është diçka e çuditshme. Unë bëj screenshot çdo herë dhe e dërgoj në grupin tim të bisedës: ‘A mund ta besoni që kjo po më flet kështu? Është e pabesueshme.’” Operatori i testit të detektorit të gënjeshtrave konfirmoi se Kardashian nuk po gënjente për përdorimin e saj të ChatGPT-së. Sipas TMZ, provimi për pranimin në avokaturën e Kalifornisë përfshin pesë ese me kohëzgjatje një orë secila, një test performance 90-minutësh dhe 200 pyetje me alternativa.
Seriali All’s Fair, ku luajnë gjithashtu Naomi Watts, Glenn Close dhe Niecy Nash-Betts si avokate divorci në një firmë ligjore të drejtuar nga gra, do të ketë premierën të martën, më 4 nëntor, në Hulu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
