Amazon pritet të reduktojë numrin e punonjësve në pozicione korporate, pasi teknologjia e inteligjencës artificiale po transformon mënyrën se si kompania funksionon. CEO i Amazon, Andy Jassy, ka deklaruar se gjenerimi i AI do të ndryshojë rrënjësisht strukturën e fuqisë punëtore në të ardhmen. Në një memo të brendshme, të cilën e siguroi së pari CNBC, Jassy thekson se me përhapjen e agjentëve të AI brenda kompanisë, do të ketë më pak nevojë për disa lloje pozicionesh aktuale, ndërsa do të krijohen role të reja në fusha të tjera.
“Do të na duhen më pak njerëz për disa nga punët që bëhen sot, dhe më shumë njerëz për lloje të tjera punësh,” shkroi ai në mesazh. Megjithatë, ai shtoi se është e vështirë të parashikohet saktësisht se sa e madhe do të jetë ky reduktim i stafit.
Lexo edhe: Papa Leo ngre alarmin AI: Një kërcënim për dinjitetin njerëzor
Kjo deklaratë vjen në një kohë kur një anketë e fundit nga Forumi Ekonomik Botëror paralajmëron se reduktimet e fuqisë punëtore për shkak të AI mund të kenë filluar tashmë. Sipas sondazhit, 40% e punëdhënësve planifikojnë të shkurtojnë staf në rolet që mund të automatizohen nga teknologjitë e reja.
Amazon nuk është i vetmi gjigand që po riformaton punësimin. Por ajo që e bën këtë paralajmërim të veçantë është se vjen nga një prej kompanive më të mëdha në botë, me ndikim të gjerë në sektorin e teknologjisë, logjistikës dhe shitjes me pakicë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto