Warren Buffett, një prej investitorëve më të njohur në botë, ka njoftuar tërheqjen nga drejtimi i konglomeratit Berkshire Hathaway pas gjashtë dekadash në krye të kompanisë. Në takimin e 60-të vjetor të aksionarëve në Omaha, Nebraska, 94-vjeçari bëri të ditur se Greg Abel, nënkryetar aktual i operacioneve jo-siguruese, do të propozohet si drejtori i ri ekzekutiv në fund të këtij viti.
“Ka ardhur koha që Greg të marrë drejtimin,” tha Buffett përpara bordit, pa dhënë një njoftim paraprak. Ai shtoi se do të mbetet i përfshirë në disa raste, por se udhëheqja duhet t’i kalojë plotësisht Abel-it.
Lexo edhe: Warren Buffett: “Këto 5 zakone ndajnë njerëzit e pasur nga të tjerët”
Lajmi u prit me duartrokitje nga dhjetëra mijë aksionarë të mbledhur në Omaha. Aksionet e Berkshire Hathaway arritën një rekord prej 809,808.50 dollarësh, duke reflektuar suksesin e vazhdueshëm të kompanisë nën drejtimin e Buffett.
Buffett deklaroi gjithashtu se nuk ka ndërmend të shesë aksionet e tij: “Nuk kam asnjë qëllim – zero – të shes një aksion të Berkshire Hathaway.”
Burimi: Financial Times
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English