Produkte luksoze për 5 dollarë? Kina trondit tregun amerikan përmes TikTok-ut - Business Magazine Albania

Produkte luksoze për 5 dollarë? Kina trondit tregun amerikan përmes TikTok-ut

~2 minuta lexim

Furnitorët kinezë kanë “pushtuar” TikTok-un në SHBA, duke u ofruar konsumatorëve mundësinë të blejnë direkt nga fabrikat e tyre dhe të shmangin tarifat 145% të vendosura nga Presidenti Trump ndaj mallrave kineze. Llogari në këtë rrjet social si p.sh ‘’rosie.sportswear’’ pretendojnë se shesin produkte luksoze me çmime qesharake. Në një video që u fshi më pas, një burrë para një muri me çanta që ngjajnë si Birkin, thoshte: “Blini direkt nga ne. Nuk do ta besoni çmimin.” Ndërkohë, aplikacionet si DHgate dhe Taobao kanë hyrë në top-listat e shkarkimeve në SHBA.

Por ekspertët paralajmërojnë: këta nuk janë furnitorët e vërtetë të markave si Lululemon apo  Chanel. Fabrikat që prodhojnë për markat e mëdha janë nën kontrata konfidenciale dhe nuk lejojnë shitje publike. Produktet që shfaqen në TikTok janë, në shumicën e rasteve, imitime cilësore, por të rrezikshme për konsumatorin.

Lululemon ka mohuar çdo lidhje me videot dhe fabrikat e përmendura në TikTok, duke paralajmëruar për falsifikime dhe mashtrime.

Lexo edhe: Alarm nga Frankfurti: Banka Qendrore ul normën bazë, tensionet me SHBA trazojnë tregjet

Sipas ekspertëve, zinxhirët e furnizimit janë të errët dhe shumë produkte “Made in Italy” përmbajnë pjesë të prodhuara në Kinë. Por mungesa e garancisë dhe standardeve të sigurisë, e bashkuar me ndikimin mjedisor të transportit global të këtyre produkteve, e bëjnë këtë dukuri alarmante.

“Po të ndalonte Kina prodhimin, dyqanet tona do ishin bosh,” – thotë një profesore nga Londra.
Ndërkohë, komentet në TikTok thërrasin me ironi: “Kështu bëhet një luftë tregtare.”

 

Burimi: CNN/ Përshtati: Businessmag.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Suksesi është përbërja e vogël e përpjekjeve të përsëritura çdo ditë.”
— Robert Collier
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0