Instagram po shton karakteristika të reja në kanalet e transmetimit që u ofrojnë krijuesve më shumë mundësi për të bashkëvepruar drejtpërdrejt me ndjekësit e tyre. Meta njoftoi se krijuesit mund të aktivizojnë “Përgjigjet” në bisedat e “Broadcast channel” duke lejuar pjesëmarrësit të përgjigjen ndaj mesazheve ashtu siç mund të bëjnë tashmë në postimet e Instagram-it.
Krijuesit gjithashtu mund të publikojnë “Pyetje” me kohë të kufizuar në kanalet e tyre, për të inkurajuar angazhimin e audiencës. Pjesëmarrësit kanë 24 orë për t’u përgjigjur me tekst ose foto dhe mund të pëlqejnë komentet e lëna nga përdoruesit e tjerë. Instagram po nxjerr gjithashtu metrika të reja për krijuesit e kontentit duke përfshirë numrin total të interaktiviteteve, stories dhe votat në sondazhe së bashku me “udhëzime të personalizuara” që mund t’i ndihmojnë ata të rrisin dhe menaxhojnë audiencat.
Kemi kërkuar nga Meta që të sqarojë kur do të jenë të disponueshme këto veçori të reja të kanaleve të transmetimit për krijuesit e Instagram-it. Kreu i Instagram-it, Adam Mosseri, fillimisht e la të kuptohet këtë përditësim duke e aktivizuar atë në kanalin e tij “IG Updates” më herët gjatë javës.
Lexo edhe: Çfarë nuk shkon me Meta-n?
Ndërsa Facebook Messenger dhe WhatsApp gjithashtu mbështesin kanalet e transmetimit, këto veçori të reja janë njoftuar vetëm për Instagram-in. Meta nuk ka përmendur nëse ato do të shpërndahen në platformat e tjera, por duke pasur parasysh se Instagram ishte i pari që lancoi kanalet e transmetimit, mund të përdoret si një terren provash.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
