Akademia e Teknologjisë së One Albania (OTA) ka përmbyllur me një ceremoni diplomimi programin e saj dedikuar aftësimit të të rinjve në IT, teknologji dhe siguri kibernetike. OTA është një program akademik që synon kualifikimin dhe profesionalizimin e të rinjve shqiptarë me anë të një qasjeje praktike që promovon njohuritë akademike, aftësitë teknologjike dhe sjelljen etike në vendin e punës.
Kjo dritare e re edukative ka krijuar mundësi për angazhimin dhe punësimin e të rinjve në sektorin e teknologjisë.
Në ceremoninë e ndarjes së certifikatave, drejtori i përgjithshëm i One Albania, Brano Djurovic tha se Akademia e Teknologjisë One është më shumë se thjesht një program dedikuar zhvillimit; është një pikënisje për liderët e ardhshëm dhe nxitësit e ndryshimeve në industrinë e teknologjisë.
Lexo edhe:“Get in the Ring Albania 2024”: Duke festuar për inovacionin dhe sipërmarrjen
“Akademia e Teknologjisë One Albania synon të ndihmojë të gjithë të rinjtë e talentuar, për të forcuar aftësitë dhe kompetencat e tyre, për të qenë në një hap me kërkesat e epokës digjitale. Sot, ne festojmë jo vetëm arritjet e të diplomuarve tanë, por premtimin e një të ardhmeje më të ndritur, nxitur nga talenti dhe vendosmëria e tyre”,- theksoi Djurovic.
Në ceremoninë e diplomimit ishte e pranishme edhe Ministrja për Sipërmarrjen dhe Klimën e Biznesit, Delina Ibrahimaj, e cila u shpreh se këto iniciativa janë të rëndësishme në mënyrë që të rinjtë e talentuar të kenë akses në një edukim më efikas, e mbi të gjitha më cilësor dhe bashkëkohor. Ajo vlerësoi angazhimin e One për të ndarë ekpertizën me brezin e ardhshëm.
Duke fuqizuar mendjet e reja me aftësitë dhe njohuritë e nevojshme për të pasur sukses në një të ardhme digjitale, Akademia e Teknologjisë One është kthyer në një program që inkurajon edukimin praktik, cilësor dhe diversifikues. OTA është një dëshmi e përkushtimit të One Albania për të nxitur një kulturë të të mësuarit dhe zhvillimit të vazhdueshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto