Ju shpresoni se në 48 orët e ardhshme do të jeni në gjendje të flini, të ushtroheni , të bëni shëtitje, të shihni fëmijët tuaj dhe të hënën të ktheheni në punë të freskuar dhe të pushuar.
Megjithatë, ekziston një skenar më shumë, i cili është edhe më i mundshmi : Fundjava po kalon dhe ju ndiheni edhe më të lodhur se sa të premten. Për më tepër, gjithçka që kishit planifikuar mbeti në kokën tuaj dhe nuk u realizua kurrë.
Ky version i fundit është më i zakonshmi për të gjithë ne. Por ka disa strategji që mund të ndiqni për ta bërë fundjavën tuaj të zgjasë më shumë. Të paktën në mendjen tuaj, pasi orët do të jenë saktësisht të njëjta
Hapi 1
Mundohuni të mos ngecni në ekran. Po, tani është shansi juaj për të pushuar , por të uleni para kompjuterit ose TV dhe të shikoni seriale dhe filma nuk është zgjidhja që kërkoni. Në asnjë rast mos qëndroni kot në fundjavë. Do të vijë e hëna dhe do të ndiheni më të lodhur sepse nw mendjen tuaj do të jenë gjërat qe nuk i keni plotësuar.
Hapi 2
Lërini mënjanë planet e shumta. Gjëja më e lehtë është të mendoni se çfarë do të bëni në dy ditët e ardhshme dhe të krijoni dhjetëra skenarë në kokën tuaj. Kjo nuk është mënyra më ideale për të kaluar fundjavën. Gjëja më e mirë që mund të bëni është të planifikoni aktivitetet tuaja pa e tepruar. Synoni për tre gjëra në ditë ose gjatë gjithë fundjavës dhe do të shihni se si gjërat do të ecin më mirë.
Lexo:Google zbulon një mënyrë të re kërkimi
Hapi 3
Qëndroni në orarin tuaj të gjumit . Zakonisht, në fundjavë ne priremi të flemë dhe të zgjohemi shumë vonë. Megjithatë, me këtë taktikë ne ngatërrojmë “orën” e trupit tonë, e cila ndikon në energjinë tonë gjatë gjithë pjesës tjetër të ditës.
Hapi 4
Së bashku me ekranet, lini mënjanë rrjetet sociale . Sigurisht, do të kontrolloni emailet tuaja, veçanërisht nëse prisni një mesazh të rëndësishëm, por jo siç bëni çdo ditë për punë. Preferoni t’i përkushtoheni njerëzve tuaj dhe vetes tuaj. Shkoni për një shëtitje, lexoni një libër, kërceni, qeshni, luani me fëmijët ose miqtë tuaj. Do të shihni që humori juaj do të jetë më i mirë dhe dy ditët e fundit të javës do të duken… shumë më të gjata.
Hapi 5
Provoni diçka që ju frikëson ose që nuk e keni bërë kurrë më parë. Shkoni në ngjitje shkëmbinjsh ose kërcim me bungee. Provoni një sport ujor ose shkoni të kërceni. Çfarëdo qoftë ajo që ju streson dhe keni frikë të provoni, bëjeni. Në këtë mënyrë do të ndaloni të keni fobi edhe për gjëra të tjera, do ta shihni jetën me një sy të ri dhe të hënën do të shkoni në zyrë plot energji dhe me humor të mirë – largohuni ku do të mendoni se fundjava zgjati pothuajse një muaj!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
