Mirëushqyerja është gjithnjë e më shumë në qendër të vëmendjes sonë. Sa më tepër shtohen produktet industriale, aq më shumë, njerëzit po rendin kundër rrymës, në kërkim të produkteve të shëndetshme. Në këtë luftë, mbështetësit tanë janë nutricionistët. Një prej tyre është Diola Dosti. Ne kemi zhvilluar një intervistë me të për të mësuar më shumë për edukimin e frigoriferit, produktet inteligjente dhe produktit të saj kozmetik, i cili edhe mund të konsumohet.
Së fundi jeni angazhuar me një projekt lidhur me mirëushqyerjen me Bashkinë e Tiranës. A mund të na flisni më shumë për këtë?
Projekti është i Bashkimit Evropian, ku Bashkia e Tiranës është një nga partnerët e këtij projekti. Qëllimi është menaxhimi i mbetjeve ushqimore. Është një angazhim i madh në këtë projekt. E kam me shumë pasion, pasi thelbi i tij është promovimi i produkteve lokale vendore, bizneseve dhe menaxhimi i mbetjeve ushqimore, që mund të mbetet nga restorantet e ndryshme apo nga hotelet.
E kam përzemër dhe jam angazhuar tërësisht, sidomos duke ditur pasojat e mbetjeve ushqimore nga restorantet. Pse të mos aplikojmë sisteme shumë të mira menaxhuese evropiane edhe në kryqytetin tone?!
Disa kompani, veçanërisht ato që tregtojnë produkte ushqimore apo kozmetike, duan të tregojnë më shumë kujdes për klientin, duke e informuar atë. Keni pasur përvoja të tilla, ku kanë kërkuar kontributin tuaj?
Sigurisht që kompanitë e mëdha që trajtojnë produktet ushqimore kanë prioritet shëndetin e konsumatorit. Duke qenë se në internet ka shumë informacione, janë ndërgjegjësuar që duhet të lidhen patjetër me njerëz profesionistë për të marrë informacionin e duhur, si mbi mënyrën e përdorimit të produktit, edhe për përzgjedhjen e produktit lidhur me cilësinë e tij dhe certifikimin e tij. Këto kompani mund të marrin edhe profesionistë, siç është nutricionisti dhe të organizojnë konsulta të ndryshme nutricionale, ku ofrojnë konsulta konsumatorëve për mirëqenien e tyre.
Artikulli u publikua më parë në faqen 22 të numrit 32 të revistës Business Magazine Albania. Business Magazine Albania është revista e parë digjitale me përmbajtje origjinale në shqip të orientuar nga fusha e biznesit. Ju mund Abonoheni dhe të Shfletoni Këtu nr. 32 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto