Janë hapur këtë të hënë (20 mars) aplikimet për fermerët, blegtorët, bletarët dhe peshkatarët që duan të përfitojnë nga skema kombëtare e mbështetjes në bujqësi. Aplikimet do të vijojnë të jenë të hapura deri më 11 prill dhe fermerët mund të aksesojnë në platformën e-Albania.
Nëpërmjet aplikimit, fermerë, blegtorë, bletarë e peshkatarë do të mund të përfitojnë mbështetje për fara dhe fidanë, për kosheret e mjaltit, naftën falas për punimet e mekanizuara, për prodhimin dhe certifikimin organik dhe investimet në anijet e peshkimit.
Sipas kreut të qeverisë, kjo skemë kombëtare e mbështetjes në bujqësi, ofron mundësinë për të ulur kostot, për të rritur prodhimin dhe të ardhurat e tyre.
“MIRËMËNGJES dhe duke i ftuar fermerët të aplikojnë nga sot e deri me 11 prill për të përfituar nga Skema Kombëtare e Mbështetjes në platformën e-Albania, ju uroj një javë të mbarë”, shkruan Rama në rrjetin social Facebook.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
