Pas vdekjes së tij në 1955, truri i Albert Ajshtajn u hoq dhe u nda në 240 pjesë dhe u shpërnda shkencëtarëve në mbarë botën. Albert Ajshtajn vdiq nga një aneurizëm abdominal në moshën 76 vjeçare, në Qendrën Mjekësore Universitare të Princeton në Plainsboro, New Jersey. Sipas dëshirës së tij, eshtrat e fizikanit legjendar u dogjën dhe hiri u shpërnda në një vend të pa zbuluar ende.
Menjëherë pas vdekjes së tij, njeriu që mbikëqyri autopsinë e Ajshtajnit ishte një patolog i spitalit Princeton i cili hoqi trurin e fizikantit duke mbajtur pjesën më të madhe te trurit në posedim personal për më shumë se 40 vjet. Sot, 170 nga ato blloqe janë kthyer në qendrën Mjekësore Universitare të Princeton dhe sipas BBC disa nga indet e trurit të Ajshtajnit janë vendosur në Muzeun Mjekësor Mutter në Filadefia ndërsa shumë pjesë të tjera ende mungojnë.
Lexo: Kumbaro: Shqipëria, zero ndotëse në raport me vendet e tjera!
Mjeku patolog Thomas Stoltz Harvey por edhe mjek të tjerë tregojnë se truri i Ajshtajnit kishte diçka të jashtëzakonshme dhe se analiza e duhur mund të shpjegojë gjenialitetin e fizikantit. Pasi hoqi dhe ndau në inde trurin e Ajshtajnit në 1955, Thomas Stoltz Harvey urdhëroi që disa prej blloqeve të priten në 12 grupe prej 200 fetave shumë të holla indi (sa gjysma e gjerësisë së fijes së flokut). Pa lejen e familjes së fizikantit, Harvey shpresonte të zbulonte sekretet e fshehura të trurit. Sot shkencëtarëve u lejohet të shikojnë trurin e gjeniut vetëm nëse i ofrojnë Qendrës Mjekësore një propozim shumë bindës.
Shumë nga studiuesit të cilët Harvey u ofroi indet e trurit të Ajshtajnit që atëherë i kanë kthyer ato. Megjithatë një pjesë e indeve nuk janë gjetur kurrë ndërsa pjesa më e madhe gjendet në Princeton ku fizikanti vdiq. BBC.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
