Gjermania mbush magazinat e gazit më shpejt se parashikimet

Skenari apokaliptik i një dimri të ftohtë pa ngrohje dhe elektricitet duket se nuk po diskutohet më, sipas Ministrit të Ekonomisë së Gjermanisë, ndërsa gazi rus tani përbën më pak se 10% të konsumit të Gjermanisë.

Magazinimi i gazit në Gjermani është pothuajse 85% plot, një muaj përpara afatit ministri Robert Habeck tha se objektivat e vendosura nga qeveria për mbushjen e objekteve të depozitimit të gazit ishin arritur përpara afatit, duke shmangur frikën e mungesës së gazit këtë dimër.

“Magazinat po mbushen më shpejt se sa ishte planifikuar,” i tha ai revistës gjermane Der Spiegel, sipas një raporti të botuar të dielën.

Lexo edhe: Jo më naftë! Vendet e Perëndimit janë në “luftë” për gazin. Çmimi rritet me 700%

Objektivi i qeverisë për të arritur kapacitetin e ruajtjes 85% deri në tetor mund të arrihet deri në fillim të shtatorit, sipas ministrisë së Habeck. Gjermania aktualisht po përpiqet të sigurojë burime alternative të gazit për të parandaluar një mungesë gjatë muajve të ftohtë të dimrit, pasi ajo përpiqet të largohet nga karburanti rus pas pushtimit të Ukrainës.

Gjermania gjen burime alternative

Nivelet e ruajtjes kanë arritur tashmë rreth 82%, sipas grupit të operatorëve evropianë GIE. Objektivi tjetër është 95% deri më 1 nëntor, i cili me normën aktuale duhet të përmbushet gjithashtu para kohe.

Megjithatë, Rusia po planifikon të mbyllë gazsjellësin Nord Stream 1 për tre ditë nga 31 gushti. Flukset e gazit nga Rusia tashmë janë reduktuar në 20% të kapacitetit të tubacionit për disa javë.

Por ndërsa gazi rus përbënte 55% të konsumit të Gjermanisë në vitin 2021, ky është ulur në vetëm 9.5% këtë gusht. Importet e gazit nga Norvegjia dhe Holanda tani përbëjnë peshën kryesore të furnizimit të Gjermanisë.

Gjermania po pret gjithashtu flukse të gazit natyror të lëngshëm (LNG) nga Franca pasi të jenë zgjidhur çështjet organizative dhe teknike.

Deutsche Welle