Pak pasi Banka Qendrore Europiane njoftoi rritjen për herë të parë në 11 vjet të normave të interesit me gjysmë pikë përqindjeje, presidentja e saj, Christine La Garde doli përpara gazetarëve për të dhënë disa shpjegime. La Garde e pranoi se lufta në Ukrainë dhe rritja e rrufeshme e inflacionit, e kanë errësuar parashikimin ekonomik të eurozonës.
“Ne presim që inflacioni, edhe pse pa dëshirën tonë, të vazhdojë të mbetet i lartë për disa kohë, për shkak të presionit të vazhdueshëm nga kuotimi i energjisë dhe ushqimeve dhe presioni që tubacionet e gazit kanë mbi zinxhirin e çmimeve. Agresioni i pajustifikuar i Rusisë ndaj Ukrainës po influencon rritjen ekonomike. Ndikimi i inflacionit të lartë në fuqinë blerëse, kufizimet e vazhdueshme të ofertës dhe pasiguria më e lartë kanë një efekt frenues në ekonomi.” – u shpreh Christine La Garde, presidente e BQE.
Lexo edhe: Inflacioni në “qiell”. BQE pranë vendimit për rritjen e normave të interesit
BQE tha në një deklaratë për shtyp pas mbledhjes së këshillit të saj drejtues në Frankfurt se “gjykoi se ishte e përshtatshme të ndërmerrte një hap të parë më të madh në rrugën e normalizimit të normës së politikës, sesa sinjalizoi në mbledhjen e mëparshme” për shkak të inflacionit më të lartë se sa pritej dhe mbështetjes të skemës së re të blerjes së obligacioneve. BQE mund të ndodhet nën presion, edhe sepse diferenca e normave të interesit ndaj SHBA po zgjerohet. Pasi inflacioni atje arriti në 9.1 përqind në qershor, Rezerva Federale e SHBA ka të ngjarë të rrisë normat e interesit me 75 pikë bazë nga 1.5 aktuale në 1.75 përqind. Kjo vazhdon të ushtrojë presion mbi euron, që para disa ditësh kishte rënë në nivelin e dollarit amerikan. Dhe së fundi tregjet financiare vështrojnë edhe nga Italia. Kriza qeveritare atje nuk e lehtëson situatën për BQE. Zgjëedhjet e reja atje mund të çojnë në “turbulenca të konsiderueshme” në tregjet e obligacioneve qeveritare në eurozonë, nëse qeverinë e re do ta udhëheqin eurokritikët, dyshon Edgar Ëalk, kryeekonomist në Bankhaus Metzler. BQE ka shpallur një të ashtuquajtur instrument kundër fragmentimit. Përmes kësaj ajo dëshiron të zbusë paraprakisht turbulencat e mundshme në tregjet e obligacioneve qeveritare evropiane.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto