Me objektiv transmetimin e dijeve përmes mësimdhënies, kërkimit shkencor dhe shërbimeve nga institucionet e arsimit të lartë, nënshkruan marrëveshjen institucioni financiar dhe ai i Edukimit.
Sipas përfaqësuesve të kompanive, kjo do të synojë përmirësimin dhe pasurimin e përmbajtjes së programeve të studimit, përmes bashkërendimit të përmbajtjes teorike me aspektet praktike. Kjo nxit përgatitje më cilësore dhe profesionale të studentëve në fushën ekonomike e financiare në përgjithësi, dhe fushën e bujqësisë, agrobiznesit, agropërpunimit dhe financave rurale specifikisht.
Gjithshka synon shfrytëzimin sa më të mirë të informacionit shkencor, infrastrukturës funksionale dhe potencialit intelektual të të dy institucioneve.
Fushëveprimi i Marrëveshjes së Bashkëpunimit do të ketë:
- Promovimin e të rejave më të fundit në sektorin e bujqësisë, blegtorisë, zhvillimit rural, agropërpunimit, agroturizmit, financat rurale dhe TIK në sistemin e AGB nëpërmjet:
- Organizimin e konkursit vjetor të FED invest /Qendrës ABA për stafin studentor dhe akademik të Kolegjit Universitar “LOGOS” në lidhje me përgatitjen e punimeve/miniprojekteve Publikimin e artikujve, studimeve dhe punimeve të studentëve dhe stafit akademik në platformën e FED invest (www.abaonline.al)
- Kryerjen e studimeve të përbashkëta për tregun e prodhimeve bujqësore, menaxhimin e fermave bujqësore, menaxhimin financiar etj.
- Ofrimin e mundësive për studentët e Kolegjit Universitar “LOGOS” për të zhvilluar praktikën mësimore pranë FED invest.
- Mundësinë për të patur një udhëheqës pranë institucionit në ditët e praktikës me qëllim të zbatimit të programit të tyre.
- Potencialisht, pas procesit të vlerësimit, mundësinë e rekrutimit të studentëve nga FED invest nëpërmjet programeve të zhvilluara për promovimin e talenteve.
Në një orë të hapur në Kolegjin Universitar “LOGOS”, Administratori i FED invest Perlat Sulaj dhe zv Administratori Behar Gjoni bënë një prezantim të historisë së institucionit financiar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
