AlbaniaTech, platforma ndërkombëtare dedikuar teknologjisë dhe inovacionit ka lançuar databazën e parë të ekosistemit të startup-eve, në një event gjigand hibrid. Platforma e re ofron informacion në kohë reale mbi startup-et, kompanitë, investitorët, raundet e financimit dhe të dhëna të tjera në albaniatech.dealroom.co.
AlbaniaTech mblodhi partnerë, kontributorë dhe mbështetës për të prezantuar avantazhet që sjell platforma për Ekosistemin Shqiptar të Teknologjisë dhe Inovacionit. Me mbështetjen e padiskutueshme të Eu for Innovation, Databaza e Startupeve Shqiptare do të jetë plotësisht e aksesueshme dhe pa pagesë për të gjithë.
“Në Shqipëri, ne kemi ndërtuar ekosistemin tonë, por na duhej të dinim se për kë po punonim, kishim nevojë për akses në njerëz dhe në dhëna. Kë po mbështesim ne me të gjithë këto programe për startup-e? Nuk kishte mënyrë më të mirë për ta arritur këtë sesa përmes një partneriteti ndërkombëtar që e ekspozon Shqipërinë në hartën e Ekosistemeve Europiane,” u shpreh Gerti Boshnjaku, Drejtues i Platformës AlbaniaTech.
Lexo: AlbaniaTech, ministrja Bilali vlerëson platformën me rëndësi për ekosistemin e startup-eve
Harta e ekosistemit gjendet në një platformë plotësisht të aksesueshme, e krijuar për të lehtësuar vendosjen e rregulloreve dhe vendimmarrjen e bazuar në të dhëna, përmes shkëmbimit të njohurive ndër-industriale. Ajo gjithashtu nxit partneritetet e nevojshme për të ndihmuar brezin e ardhshëm të novatorëve të kenë sukses në skenën globale.
Edona Bilali, Ministrja për Mbrojtjen e Sipërmarrjes ishte e ftuar si folëse dhe shprehu mbështetjen e saj për platformën: “Ne do të bashkëpunojmë me AlbaniaTech për të krijuar një grup startup-esh dhe lehtësuesish të kualifikuar për grante. Në këndvështrimin tim ne jemi një hap më tej drejt arritjes së asaj që ekosistemi dëshiron.”
“Ka një vrull të jashtëzakonshëm në skenën e startup-eve në Shqipëri dhe nëse marrim parasysh mënyrën dhe kostot e jetesës është bërë një nga vendet më të preferuara për startup-et. Shqiptarët ndajnë me ne misionin e të ofruarit njohuri dhe ekspozim në ekosistemin e tyre, në mënyrë transparente. Mezi presim të ndajmë platformën e ekosistemit shqiptar me botën.” tha Darren Stauffer, drejtor i Dealroom.
Databaza e startup-eve e AlbaniaTech është lehtësit e aksesueshme këtu! Sigurohuni që të qëndroni të përditësuar për momente të tjera të rëndësishme për Ekosistemin Shqiptar në albaniatech.org.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
