Lideri i Platformës AlbaniaTech, Gerti Boshnjaku, ka zhvilluar një takim me ministren e Shtetit për Sipërmarrjen, Edona Bilali. Ai prezantoi pratformën dhe se si kjo platformë po përfshin të gjithë komunitetin e startup-eve, inkubatorët, TechCities, etj. Të gjitha në një platformë, si një urë lidhëse mes investitorëve dhe sipërmarrësve të rinj, por edhe mes ekspertëve të teknologjisë dhe vendit tonë.
Platforma pasqyron të gjithë qasjen e vendit ndaj teknologjisë, duke ftuar edhe nomadët digjitalë të mbarë botës, për ta parë vendin tonë se një një vend fantastik pune.
Ministrija Bilali duke u shprehur për takimin, tha se, AlbaniaTech është platforma shqiptare që synon të bashkojë dhe aktivizojë të gjithë aktorët e ekosistemit në vendin tonë, duke promovuar skenën e sipërmarrjes, eventet, programet dhe rastet e suksesit në ekosistem.
Lexo: Prezantohet platforma AlbaniaTech
“Gerti Boshnjaku na prezantoi me platformën, kalendarin e eventeve të ekosistemit dhe projektet e reja për të ardhmen. Është shumë e rëndësishme që ekosistemi të ketë një mundësi promovimi në media, jo vetëm në Shqipëri, por edhe në tregun e huaj”, theksoi ajo.
Platforma e mbështetur nga EU for Innovation ka punuar për të sjellë të gjitha zhvillimet për teknologjinë, si në nivel sipërmarrje, ekosistemi, qyteti dhe politika zhvillimi në nivel kombëtar. Ajo do të jetë një dritare për sipërmarrësit e rinj në Shqipëri, por edhe për investitorët që mund ta shohin Shqipërinë si një destinacion, ku mund të investojnë dhe të ngrenë kompanitë e tyre të teknologjisë.
Duke e parë veten si një portë hyrëse në të gjithë sipërmarrjen dhe mundësitë që ofron vendi, platforma është një pikë lidhëse me shumë destinacione të tjera si QKB, Tatimet, ministria e Financave, etj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
