Kaloni kufijtë me serinë Galaxy Tab S8: Tableti Galaxy më i madh, më i guximshëm dhe më i gjithanshëm ndonjëherë

Galaxy Tab S8 Ultra i bashkohet portofolit të tabletave të Samsung duke ofruar performancë të fuqishme, një ekran vërtet tërheqës,

dhe një ekosistem të hapur pajisjesh dhe partnerësh për të punuar dhe luajtur si kurrë më parë

Samsung Electronics prezantoi dje serinë e re Galaxy Tab S8: Galaxy Tab S8 dhe S8+, dhe tabletin e parë Tab S8 Ultra në linjë me ekranin më të madh, më të guximshëm dhe performancën më të fuqishme që Galaxy Tab S ka ofruar ndonjëherë. Hardueri i sofistikuar, veçoritë premium të produktivitetit dhe ekosistemi i qetë ku mbështeten përdoruesit e Galaxy kombinohen në një pajisje të vetme portative, të projektuar për të qenë shoqëruesi juaj i përsosur. Seria Galaxy Tab S8 ju ofron lirinë dhe fleksibilitetin që meritoni për të punuar dhe luajtur kudo si kurrë më parë.

Çdo Galaxy Tab S8 ofron një përvojë të përmirësuar të videokonferencave me kamerat e përparme ultra të gjera, një konfigurim me tre mikrofona dhe teknologji inteligjente të inkuadrimit automatik^[1]  për një përvojë vërtet profesionale të video call. Ofron aftësi revolucionare për kryerjen e shumë detyrave me Multi-active Windows^[2]  të përmirësuar dhe Samsung DeX, ndarje të sigurt dhe të lehtë të skedarëve me Quick Share^[3] të mbrojtur me fjalëkalim dhe produktivitet të fuqishëm me procesorin super të shpejtë 4 nm dhe një S Pen në kuti.  E gjithë kjo vjen në trupin më të hollë dhe më të fortë Armor Alumini^[4] për të përmirësuar më tej përvojën tuaj.  Seria Galaxy Tab S8 bashkëvepron me ekosistemin tuaj të plotë të pajisjeve Galaxy, me veçori si  Second Screen dhe Buds Auto Switch^[5].

“Ndërsa mbështetemi më shumë tek videot për të qëndruar të lidhur dhe për t’u argëtuar, ne e dimë se veçoria më bindëse e një tableti është ekrani i tij i madh dhe transportueshmëria,” tha TM Roh, President dhe Shef i Biznesit MX (Mobile Experience) të Samsung Electronics. “Ne krijuam inovacion në përvojat celulare për të përmirësuar serinë Galaxy Tab S8 dhe për të kaluar kufijtë e asaj që është e mundur  të ofrojë një tablet, me Galaxy Tab S8 Ultra të parë.”

Zgjeroni botën tuaj me Galaxy Tab S8 Ultra

Galaxy Tab S8 Ultra ofron një përvojë premium ndryshe nga çdo Galaxy Tab më parë. Ka një ekran të gjerë 14,6 inç Super AMOLED dhe shpejtësi rifreskimi 120 Hz.  Gjithashtu, ai  dallohet për kornizat e Galaxy Tab më të holla ndonjëherë, 6,3 mm. Ekrani i tij i mrekullueshëm është vendosur në trupin më të hollë, më të lehtë, por më të fortë, i mbrojtur nga një kornizë Armor Aluminum që është mbi 30% më rezistente ndaj gërvishtjeve dhe 40% më pak e prirur ndaj përkuljes në krahasim me Galaxy Tab S7.

I pajisur me kamerat e përparme  të dyfishta 12 MP, Tab S8 Ultra gjithashtu transformon përvojën tuaj të video calls me cilësi profesionale të videos 4K[6]. Hardueri i avancuar takohet me softuerin me teknologjinë e inkuadrimit automatik të Samsung që ju mban automatikisht në fokus gjatë një telefonate, ndërkohë që zmadhon ose zvogëlon për të përfshirë pjesëmarrësit e rinj që do bashkohen me ju. Do të tingëlloni po aq qartë sa dukeni, falë tre mikrofonave preciz që përdorin teknologji të avancuar të reduktimit të zhurmës për të parandaluar zhurmën e padëshiruar të sfondit. Altoparlantët Dolby Atmos®, të gjetura në të tre modelet Galaxy Tab S8, sigurojnë që gjithçka të tingëllojë e pabesueshme, me detaje të gjalla dhe qartësi.

Punoni, luani dhe lidhuni si kurrë më parë

Pavarësisht nëse dëshironi të eksploroni anën tuaj artistike, të zhyteni në lojëra dinamike ose thjesht të kryeni shumë detyra me lehtësi, seria Galaxy Tab S8 është tableti që ju nevojitet për performancë të pamposhtur. Pajisur me çipin e parë 4 nm – procesori më i shpejtë ndonjëherë në një tablet Galaxy – Galaxy Tab S8 dhe S8+ gjithashtu ofrojnë RAM dhe hapësirë ruajtëse të bollshme . Dhe të tre modelet ofrojnë hapësirë ruajtëse që mund të zgjerohet deri në 1 TB me një kartë microSD^[7].

Galaxy Tab S8 është tableti i parë Samsung që mbështet Wi-Fi 6E^[8], i cili siguron shpejtësi maksimale të Wi-Fi 6, dhe me cilësinë e optimizuar të rrjetit nuk keni pse të stresoheni për lidhjet e dobëta. Përndryshe, ndani përmbajtjen menjëherë me Galaxy 5G^[9]  të shpejtë dhe të sigurt.

Në Galaxy Tab S8, je gjithmonë gati për aksion, i pajisur me një bateri inteligjente  që zgjat gjatë gjithë ditës^[10]. Ai mbështet karikim super të shpejtë 45 W që mund ta kthejë baterinë  në 100% në 80 minuta^[11]. Nëse pajisjet tuaja të tjera kanë nevojë për një rritje të energjisë në lëvizje, thjesht lidhni Galaxy Tab S8 tuaj me një smartphone Galaxy S22 nëpërmjet një kabllo USB-C dhe bateria e karikimit të shpejtë të tabletit mund të dyfishohet njëlloj si me një karikues portativ^[12].

Tab S8 Ultra dhe Tab S8+ vijnë të dy me një S Pen të ri dhe të përmirësuar që përdor një algoritëm parashikimi për vonesa jashtëzakonisht të vogla^[13] – duke ofruar një përvojë të jashtëzakonshme shkrimi që imiton rrëshqitjen e një stilolapsi nëpër letër. Dhe për herë të parë ndonjëherë, partneriteti ekskluziv i Samsung me Clip Studio Paint^[14] mund ta kthejë smartphone-n në një gamë digjitale ngjyrash, stilolapsin tuaj S në një penel dhe ekranin e gjerë të Galaxy Tab S8 në kanavacën tuaj.

Aftësitë e reja të regjistrimit 4K të Galaxy Tab S8 Ultra tani ju lejojnë të regjistroni video të qarta dhe tërheqëse si me kamerën e pasme ashtu edhe me kamerën e përparme ultra të gjerë. Krijuesit e përmbajtjes mund të filmojnë mësime në internet dhe lojëra pa sforcim, duke përdorur video të personalizueshme Selfie^[15] që tani janë futur në Screen Recorder të Samsung. Me mjetin kryesor të editimit të LumaFusion^[16]  që vjen së shpejti në Galaxy, do të jeni në gjendje të përdorni Galaxy Tab S8 dhe S Pen tuaj për të bërë modifikime të sakta në videot 4K.

Ekrani i Galaxy Tab S8 Ultra gjithashtu ju bën të lehtë ndarjen e ekranit në dritare të shumta, me madhësi të ndryshme, në mënyrë që të mund të kryeni shumë detyra pa pasur nevojë të ndërroni aplikacionet.

Tabletat gjithashtu luajnë një rol të rëndësishëm për t’ju mbajtur të lidhur me të tjerët. Samsung ka bashkëpunuar me Google për përvoja edhe më të mira të video calls dhe live sharing^[17]  përmes Google Duo^[18], kështu që ju mund të video  bashkë me miqtë tuaj në YouTube, të ndani shfletuesin tuaj për të ndihmuar në planifikimin e takimit tuaj të ardhshëm ose të zhvilloni ide kreative duke përdorur JamBoard^[19], tabela interaktive e Google.

Jeta hapet me Galaxy

Seria Galaxy Tab S8 funksionon pa problem me të gjithë ekosistemin e hapur Galaxy. “Hapja” do të thotë t’ju japë fleksibilitetin për të përcaktuar përvojën tuaj celulare dhe për të përdorur lehtësisht pajisjet Galaxy së bashku. Ne kemi siguruar që ndërfaqja e përdoruesit One UI Tab 4 e Samsung t’ju ofrojë një përvojë të qëndrueshme dhe intuitive, lidhje të pandërprerë, si dhe integrime inteligjente që rrjedhin nga Galaxy Tab S8 në smartphone dhe PC dhe anasjelltas.

Kur ju vjen frymëzimi  gjatë kohës që jeni në lëvizje, përdorni S Pen për të shënuar në një aplikacion të ri dhe të përmirësuar të Samsung Notes në serinë Galaxy Tab S8. Dhe me seritë Galaxy Tab S8 dhe Galaxy S22 Ultra, Quick Share ju mundëson të ndani foto, video dhe skedarë midis pajisjeve dy herë më shpejt^[20]  se më parë. Falë Auto Switch, Galaxy Buds tuaj do të lidhen automatikisht nga Galaxy Tab S8 në Galaxy S22. Dhe për herë të parë, Samsung Health është i disponueshëm në tabletët Galaxy, në mënyrë që të mund të shfletoni videot e fitnesit dhe të kontrolloni të dhënat tuaja të shëndetit dhe fitnesit nga Galaxy Watch-i juaj në një ekran më të madh.

Mund ta ktheni gjithashtu Galaxy Tab S8 në një monitor të dytë portativ^[21] për PC-të Galaxy për kryerjen e shumë detyrave krah për krah. Dhe përmirësimet në Samsung DeX^[22] – një përvojë e përshtatshme desktopi që e çon Galaxy Tab S8 nga modaliteti i tabletit në modalitetin e desktopit – tani lejon dritaret transparente të aplikacioneve dhe pasqyrimin DeX kur dëshironi të ndani ekranin e tabletit tuaj në një ekran të jashtëm.

Një tabletë të cilit mund t’i besoni dhe të ndiheni mirë

Në botën e sotme që është gjithmonë e lidhur, siguria është më e rëndësishme se kurrë, kjo është arsyeja pse të tre modelet Galaxy Tab S8 janë të pajisura me veçori të reja që japin mundësinë për të gjurmuar kur kamera dhe mikrofoni i tabletit tuaj janë në përdorim dhe ju lejojnë të bllokoni menjëherë të gjithë aksesin në aplikacion për të parandaluar regjistrimin e padëshiruar. Seria Galaxy Tab S8 mbrohet gjithashtu nga platforma lider në industri e Samsung, Knox Vault. Të gjithë anëtarët e linjës kanë një skaner intuitiv të gjurmëve të gishtërinjve^[23]  që mundëson zhbllokimin e pajisjes me një prekje.

Si pjesë e angazhimit tonë për t’u dhënë përdoruesve performancën dhe përvojën më të mirë të mundshme në celular, seria Galaxy Tab S8 do të mbështetet deri në katër gjenerata të përmirësimeve të Android OS^[24]. Tani miliona përdorues të Galaxy mund të rrisin ciklin e jetës së pajisjeve të tyre edhe më tej, pa humbur sigurinë, produktivitetin dhe veçoritë më të fundit

Dizajn i mrekullueshëm

Galaxy Tab S8 Ultra vjen në ngjyrë gri të errët, dhe Tab S8 dhe S8+ vijnë në tre nuanca të sofistikuara – gri e errët, e argjendtë dhe rozë e artë. ^[25]  Samsung po lançon gjithashtu një tastierë të re Tab S8 Ultra Book Cover^[26]  që e çon funksionalitetin Ultra edhe më tej. Tastiera Book Cover përmban lëkurë poliuretani premium, antimikrobike dhe një tastierë të veshur me xham që mundëson shkrimin e qetë. Plus, Wireless Keyboard Share^[27]  mund të lidhë tastierën tuaj me një smartphone Galaxy për të shkruar lehtësisht nëpër pajisje.

Ju gjithashtu keni shumë mënyra për të shprehur stilin tuaj personal me aksesorët  e Tab S8, duke përfshirë një Note View Cover transparente që mundëson shkrimin e dorës me S Pen dhe një cover me rrip për ta mbajtur Tab S8 në pozicionin që ju përshtatet më së miri. ^[28]

Samsung është gjithashtu krenar që ndihmon në reduktimin e plastikës në oqean dhe mbrojtjen e planetit, me Galaxy Tab S8 të ndërtuar pjesërisht me komponentë plastikë të ricikluar  nga rrjetat e hedhura të peshkimit. Samsung po ndihmon në udhëheqjen e industrisë duke përdorur këtë praktikë. Pajisjet Galaxy Tab S8 vijnë gjithashtu në paketimin më të hollë të Samsung deri më sot, e cila i mundëson kompanisë të prodhojë më pak mbetje.

Disponueshmëria

Seria Galaxy Tab S8 do të jetë e disponueshëm në tregun shqiptar nga data 25 shkurt, pranë distributorëve dhe dyqaneve të autorizuara me një çmim të sugjeruar me pakicë që fillon nga 90,999 Lekë. Për më shumë detaje rreth çmimeve dhe  jo vetëm, vizitoni:

Galaxy Tab S8: https://www.samsung.com/al/tablets/galaxy-tab-s/galaxy-tab-s8-wi-fi-pink-gold-128gb-sm-x700nidaeuc/

Galaxy Tab S8+: https://www.samsung.com/al/tablets/galaxy-tab-s/galaxy-tab-s8-plus-wi-fi-silver-128gb-sm-x800nzsaeuc/

Galaxy Tab S8 Ultra:  https://www.samsung.com/al/tablets/galaxy-tab-s/galaxy-tab-s8-ultra-wi-fi-graphite-128gb-sm-x900nzaaeuc/

Për më shumë informacion, vizitoni https://www.samsung.com/al/

[1] Aktualisht gjendet në Samsung Camera, BlueJeans, Google Duo, Meta Messenger, Google Meet, New Knox Meeting, Microsoft Teams, Cisco Webex Meet, Zoom. Inkuadrimi automatik ofrohet vetëm në kamerën e përparme ultra të gjerë. Inkuadrimi automatik njeh vetëm njerëzit dhe mund të mos mbështesë rezolucione dhe raporte të caktuara. Disa funksione mund të mos jenë të disponueshme kur Inkuadrimi automatik është aktiv.

[2] Jo të gjitha aplikacionet mund të jenë të pajtueshme për këtë veçori.

[3] Quick Share disponohet në smartphone-t dhe tabletët Galaxy me versionin 10.0 (Q) të sistemit operativ Android dhe One UI 2.1 ose më lart. Kërkohen lidhje Bluetooth Low Energy dhe WI-Fi për përdorimin e Quick Share. Jo të gjitha aplikacionet mund të jenë të pajtueshme për këtë veçori.

[4] Armor Aluminum është vendosur në të gjithë përbërësit metalikë, me përjashtim të ekranit, çelësave anësor dhe sirtarit të kartës SIM.

[5] Auto Switch i disponueshëm në smartphone-t dhe tabletët Galaxy me One UI 3.1 ose më lart. Disa pajisje dhe aplikacione mund të mos mbështesin Auto Switch. Pajisjet Galaxy duhet të identifikohen në llogarinë Samsung për të aktivizuar Auto Switch.

[6] Disa rezoluta dhe raporte mund të mos mbështeten. Disa funksione mund të mos jenë të disponueshme kur Auto-Framing është aktiv.

[7] Karta MicroSD shitet veçmas. Disponueshmëria e veçorive të detajuara (si memoria dhe procesori) mund të ndryshojnë sipas tregut dhe operatorit.

[8]Disponueshmëria e rrjetit Wi-Fi 6E mund të ndryshojë sipas tregut, ofruesit të rrjetit dhe mjedisit të përdoruesit. Kërkon lidhje optimale. Do të kërkojë një ruter Wi-Fi 6E.

[9] Kërkon lidhje optimale 5G. Shpejtësia aktuale mund të ndryshojë në varësi të tregut, operatorit dhe mjedisit të përdoruesit.

[10] 82 minuta për të karikuar plotësisht Tab S8 Ultra dhe Tab S8+. Bazuar në rezultatet nga testet e brendshme laboratorike për kohën lokale të video playback të kryera nga Samsung. Rezultatet e testit janë vlerat e vlerësuara të kampionit të baterisë nga një version i para-publikuar i testuar sipas cilësimeve të paracaktuara (nivelet e volumit dhe ndriçimit të audios) pa lidhje me Wi-Fi ose rrjetin celular. Jetëgjatësia e baterisë ndryshon ndjeshëm në varësi të opsioneve, përdorimit dhe faktorëve të tjerë.

[11] 80 minuta për të karikuar plotësisht Tab S8 dhe Tab S8+. 90 minuta për të karikuar plotësisht Galaxy Tab S8 Ultra. Shpejtësia aktuale e karikimit mund të ndryshojë gjithashtu në varësi të përdorimit aktual, kushteve të karikimit dhe faktorëve të tjerë. Karikuesit shiten veçmas.

[12] Mbështetja e karikimit të shpejtë 15 W kur ekrani Tab S8 Ultra është i fikur dhe i lidhur me smartphone të zgjedhur Galaxy duke përfshirë Galaxy S22 duke përdorur një kabllo USB Type-C. Kabllot mund të shiten veçmas në varësi të tregut. Nuk përputhet me karikimin me valë. Shpejtësia e karikimit mund të ndryshojë në varësi të kushteve të karikimit dhe faktorëve të tjerë.

[13] Krahasuar me Galaxy Tab S7. Shpejtësia e vonesës prej 2,8 ms e matur për modelet Tab S8 Ultra (14,6”) dhe Tab S8+ (12,4”) kur përdorni Samsung Notes.

[14] Clip Studio Paint EX provë 6-mujore falas për përdoruesit për herë të parë në pajisjet Galaxy. Versionet PRO dhe EX të Clip Studio Paint janë të dy të disponueshme. Ngarkimi paraprak mbështetet në tregje të zgjedhura. Clip Studio Paint për Galaxy mund të shkarkohet nga Galaxy Store. Gjuhët e mbështetura për cilësimet e softuerit: anglisht, frëngjisht, gjermanisht, japonisht, koreanisht, spanjisht dhe kinezisht. Për futjen e tekstit, arabishtja, hebraishtja, urdu nuk mbështeten ende. Funksioni i telekomandës ” Companion Mode ” i mbështetur në tabletët Galaxy dhe smartphone-t me Android 9 ose më lart. Për ” Companion Mode “, të dyja pajisjet pritës dhe telekomanda duhet të lidhen me të njëjtin rrjet Wi-Fi. Lidhja mund të ndryshojë në varësi të Wi-Fi. Kushtet e shërbimit mund të ndryshojnë sipas tregut.

[15] Videot Selfie brenda Screen Recorder mbështet regjistrimin dhe riprodhimin e videos Full HD.

[16] LumaFusion për Android do të jetë i disponueshëm për shkarkim nga Galaxy Store brenda gjysmës së parë të vitit 2022. Koha e saktë e disponueshmërisë mund të ndryshojë në varësi të gatishmërisë së LumaTouch. Disponueshmëria mund të ndryshojë sipas tregut. Kërkohet versioni i OS Android 11 ose më lart. Gjuhët e mbështetura për cilësimet e softuerit: Kineze e thjeshtuar, holandisht, frëngjisht, gjermanisht, italisht, japonisht, koreanisht, rusisht, spanjisht, turqisht dhe anglisht.

[17] Aplikacionet aktuale që mund të ndani gjatë video calls të Google Duo janë Google Arts & Culture, Google Maps, Jamboard, Samsung Notes, Samsung Gallery dhe YouTube.

[18] Google Duo është një markë tregtare e Google LLC. Live Sharing Host është i disponueshëm për përdoruesit e serive Galaxy S22 dhe Galaxy Tab S8 dhe do t’u ofrohet përdoruesve të tjerë të pajisjes Galaxy me Android S OS në një datë të mëvonshme. Pjesëmarrësit mund të kenë nevojë të përmirësojnë në aplikacionin më të fundit të Google Duo për të përdorur live sharing. Disponueshmëria e aplikacionit Google Duo mund të ndryshojë sipas tregut. Kërkon lidhje optimale me rrjetin.

[19] Jamboard duhet të shkarkohet veçmas. Funksionet shtesë mund të kërkohet që t’i blini.

[20] Shpejtësia e dyfishtë kërkon që të dyja pajisjet të kenë Quick Share dhe Wi-Fi 6E dhe të jenë të lidhura me një router Wi-Fi 6E. Shpërndarja e shpejtë ofrohet në smartphone-t dhe tabletët Galaxy me versionin 10.0 (Q) të sistemit operativ Android dhe One UI 2.1 ose më lart. Shpërndarja e shpejtë kërkon lidhje Bluetooth me energji të ulët dhe Wi-Fi. Jo të gjitha aplikacionet mund të jenë të pajtueshme për këtë veçori.

[21] Opsioni Second Screen suportohet për Galaxy Book Windows PC dhe Galaxy Tab S7/7+ ose modele të reja. (Kërkohet përditësim i janarit 2021 për Galaxy Tab S7/S7+) Kërkohen modele të kompjuterëve Windows 10 dhe versioni i Windows 10 v.2004 ose më i ri. (Përditësimi i Windows: shtator 2020 ose më vonë)

[22] Samsung DeX mbështetet në smartphone dhe tableta të zgjedhur Galaxy. Funksione shtesë ofrohen vetëm në pajisjet e përputhshme, duke përfshirë Galaxy S22, Galaxy Tab S8 dhe pajisjet me One UI 4.1 ose më lart. Aplikacionet e përputhshme mund të ndryshojnë dhe jo të gjitha aplikacionet mund të ndryshojnë përmasat në Samsung DeX. Aksesorët për lidhjen e ekranit të jashtëm shiten veçmas.

[23]. Galaxy Tab S8+ dhe Tab S8 Ultra kanë skaner të gjurmëve të gishtërinjve në ekran. Galaxy Tab S8 ka një skaner të gjurmëve të gishtërinjve të montuar në anë.

[24] Disponueshmëria dhe koha e përmirësimeve dhe veçorive të sistemit operativ Android mund të ndryshojnë sipas modelit dhe tregut të pajisjes. Pajisjet e pranueshme për katër gjenerata të përmirësimeve të sistemit operativ Android aktualisht përfshijnë Seritë Galaxy S22 (S22/S22+/S22 Ultra), Seritë S21 (S21/S21+/S21 Ultra/S21 FE), Z Fold3, Z Flip3 dhe Seritë Tab S8 (Tab S8 /Tab S8+/Tab S8 Ultra).

[25] Disponueshmëria e veçorive të detajuara (si memoria, ngjyra dhe procesori) mund të ndryshojnë sipas tregut dhe operatorit

[26] Book Cover Keyboard shitet veçmas. Dizajni i produktit mund të ndryshojë sipas modelit. Disponueshmëria mund të ndryshojë sipas tregut dhe operatorit.

[27] Wireless Keyboard Sharing . është i disponueshëm në Galaxy Tab S8/S8+/S8 Ultra dhe në smartphone të zgjedhur Galaxy, me One UI 4 ose më lart. Smartphone duhet të mbështesë profilin Bluetooth HID. Të dyja pajisjet duhet të regjistrohen në të njëjtën llogari Samsung. Performanca mund të ndryshojë në varësi të mjedisit të rrjetit të përdoruesit.

[28] Disponueshmëria e cover dhe aksesorëve mund të ndryshojë sipas modelit të pajisjes dhe tregut. Shiten veçmas.