Shefi ekzekutiv i Tesla-s, Elon Musk ka zbuluar se një robot humanoid është “produkti më i rëndësishëm” që Tesla po zhvillon këtë vit, duke i dhënëatij përparësi, para Cybertruck të shumëpërfolur dhe automjeteve të tjera, duke përfshirë Semi dhe Roadster.
Musk për herë të parë foli për “Tesla Bot” në gusht duke përdorur një njeri me kostum roboti dhe duke paralajmëruar se “ndoshta nuk do të funksionojë”, por shtoi se shpresonte që të zhvillonte një prototip vitin e ardhshëm.
“Mendoj se me kalimkin e kohës ka potencial të jetë më domethënës se biznesi i automjeteve”, tha Musk për robotin, i cili ka marrë emrin Optimus.
Shefi i Tesla shtoi se kompania nuk ka plane të prezantojë Cybertruck këtë vit dhe se aktualisht nuk është duke punuar me një automjet 25,000 dollarësh. Mungesa e vazhdueshme e çipave pengon lançimin e modeleve të reja.
Ndërsa roboti Tesla mund të jetë vite larg dhe mund të mos realizohet kurrë, Musk tha se ai ka potencialin për të revolucionarizuar ekonominë nëse do të mund të kryejë detyra që tani mund të kryhen vetëm nga njerëzit.
Përparimet në robotikë kanë lejuar kompanitë të zëvendësojnë punëtorët me makineritë, por kufizimet e teknologjisë aktuale janë të tilla që shumë detyra ende duhet të kryhen nga njerëzit.
“[Optimus] synohet të jetë miqësor, natyrisht, dhe të lundrojë nëpër një botë njerëzish dhe të eliminojë detyrat e rrezikshme, të përsëritura dhe të mërzitshme”, tha Musk në gusht.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto