Edhe një vit tjetër iku dhe në ato 365 ditë kanë ndodhur shumë ndryshime. Sidomos në botën e punës. Ndërsa në vitin 2020, puna në distancë ishte fjala kyçe, ky vit është dukur pak më ndryshe. Puna fleksibile, mirëqenia në vendin e punës dhe diversiteti dhe përfshirja kanë qenë pika të forta bisedimi gjatë 12 muajve të fundit.
Por çfarë ndodh me të ardhmen? Ndërsa vitit 2021 i erdhi fundi, mendjet tona kthehen natyrshëm tek ajo që na pret tek e ardhmja. Çfarë sfidash do të duhet të kapërcejmë këtë vit? Çfarë suksesi do të gëzojmë? Cilat tendenca do të tërheqin vëmendjen tonë kolektive? Çfarë do të mbetet pas?
Ja cilat janë trendet në zhvillim të vendit të punës për vitin 2022
Vdekja e punës 9 me 5
Nuk ka dyshim se WFH-ja gjatë pandemisë hapi sytë e shumë njerëzve për një mënyrë të re pune. Por ky potencial nuk mund të realizohej plotësisht në mes të bllokimeve, ku jeta ishte larg normales.
Ndërsa kufizimet filluan të lehtësohen, shumë biznese, përfshirë kompanitë e mëdha të teknologjisë si Google, Hubspot dhe Salesforce, miratuan politika hibride të punës, duke i ofruar stafit më shumë fleksibilitet mbi vendin ku ata punonin. Në fillim të vitit 2021, një në pesë punëtorë britanikë donte të ishte në gjendje të punonte nga shtëpia disa ose të gjithë kohën pas pandemisë.
Por ky trend është vendosur të shkojë një hap më tej në 2022 duke prishur punën tradicionale 9 me 5.
Ekipet pa menaxher
Ky është një parashikim i diskutueshëm, kjo është arsyeja dhe pse ne e duam kaq shumë! Vitet e fundit, shumë organizata janë zhvendosur nga strukturat hierarkike, me shumë shtresa menaxheriale, në struktura të sheshta me më pak nivele të menaxhimit.
Përparësitë e strukturave të sheshta organizative janë se punonjësit fuqizohen me një nivel më të thellë përgjegjësie dhe llogaridhënieje, ndërsa organizata në tërësi përfiton nga komunikimi dhe vendimmarrja më e shpejtë.
2022 do të jetë viti që ky nocion të marrë pak më shumë jetë. Tani, më shumë se kurrë, një pjesë e madhe e fuqisë punëtore duan të jenë specialistë në fushën e tyre, gjë që pak a shumë e mohon nevojën për një menaxher të drejtpërdrejtë në kuptimin tradicional.
Lexo edhe: Punë ka, por nuk ka profesionistë
Më shumë fokus në përvojën e punonjësve
Dorëheqja e Madhe e vitit 2021 ka qenë padyshim një thikë me dy tehe. Dhe disa mund të argumentojnë se ne ende nuk e kemi ndjerë forcën e plotë të saj.
Ka dy arsye të mëdha pse shumë punonjës po zgjedhin në mënyrë aktive të gjejnë një punëdhënës të ri tani:
- Djegia post-pandemike
- Ka shumë vende të lira pune
Kjo stuhi e rrethanave po sheh njerëz që marrin kontrollin e karrierës së tyre, duke hequr dorë nga punët e tyre aktuale për të gjetur role që funksionojnë për ta. Ndërsa kjo është e frikshme për disa, është gjithashtu emocionuese dhe hap një botë mundësish për të gjithë. Në vitin 2022, më shumë organizata do t’i japin përparësi përvojës së punonjësve.
Ngritja e një vendi emocional pune
Në vitin 2022, organizatat do t’i japin përparësi strategjive të shëndetit të tyre mendor në punë.
Punonjësit do të inkurajohen të marrin pagesën e plotë të pushimit vjetor dhe të mos punojnë plotësisht gjatë asaj periudhe, përfitimet do të përfshijnë më shumë mbështetje për shëndetin mendor në formën e burimeve, shërbimeve të këshillimit dhe terapisë dhe marrja e lejeve në lidhje me shëndetitn mendor do të bëhet normë.
Zhvillimi
Evolucionet në teknologji si VR, automatizimi, AR dhe mësimi i makinerive gjithashtu do të tronditin rrënjësisht mënyrën se si ne punojmë, por për këtë vit menduam se ishte më e përshtatshme të fokusoheshim në aspektin njerëzor të së ardhmes së punës. Në fund të fundit, në vitin 2021 shumë organizata ndjenë pasojat e asaj që mund të ndodhë kur bizneset e tyre nuk punojnë për njerëzit e tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
