Vështirësimi i jetës së qytetarëve pas rritjes së menjëhershme të çmimeve për produktet e shportës ka bërë që qeveria të paralajmërojë një pako masash për ta kaluar më lehtë situatën në Kosovë.
Kryeministri i Kosovës, Albin Kurti tha se rritja e çmimeve në botë është reflektuar tek qytetarët në mënyrë të drejtpërdrejtë për shkak të varësisë së madhe që Kosova ka nga importet:
“Ndamё mbi 36 milionё euro, përafërsisht 330 mijë familje, pёr pёrfituesit nga skemat sociale dhe pensionale: dyfishim i pagesës së rregullt e shtesës aktuale për kategoritë sociale për muajt nëntor-dhjetor dhe 100 euro shtesё mbi pensionin e rregullt e shtesёn aktuale për muajin nëntor” – u shpreh Albin Kurti.
Ministri i Financave, Hekuran Murati ka bërë thirrje që fillimisht të ndihmohen rreth 300 mijë familje që janë pjesë e skemës sociale me nga 100 euro shtesë.
Ndërsa masat e tjera, Murati tha se kanë të bëjë me mbështetjen e prodhuesve vendor.
Çmimet e produkteve bazë këtë Shtator, u rritën 4.9 përqind në krahasim me periudhën e njëjtë të vitit të kaluar. Në Kosovë, rritje më të madhe kanë pësuar vajrat, buka, vezët e mishi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto