Kur ne kalojmë disa minuta duke shikuar materiale të ndryshme në telefon, në trurin tonë aktivizohen disa qendra në të njëjtën kohë: qendra e të mësuarit vizual dhe qendrat e të folurit dhe gjuhës (kur ne angazhohemi me një postim).
Të njëjtat qendra aktivizohen kur ne jemi duke lexuar një libër apo duke luajtur lojëra. Truri e merr sinjalin që ne filluam të mësojmë diçka dhe aktivizon mekanizma që na motivojnë të vazhdojmë procesin e të mësuarit.
Edhe nëse jemi duke lexuar një lajm negativ, këto mekanizma vazhdojnë të na inkurajojnë të vazhdojmë të lexojmë sepse truri nuk di t’i ndajë informacionet në negative apo pozitive gjatë një procesi të tillë të të mësuarit. Jo më kot, ne mund ta gjejmë veten duke parë materiale të ndryshme në telefon për minuta të tëra, pa e kuptuar se si iku koha kaq shpejt. Janë mekanizmat e trurit që na mbajnë të motivuar për të marrë informacione të reja.
Rrjetet sociale vërtet mund të na argëtojnë me meme apo video gazmore por kur kalojmë shumë kohë përpara telefonit (pra, larg njerëzve në jetën reale), kjo ndikon në sistemin tonë limbik dhe rrit nivelin e stresit në trupin tonë.
Konsumimi i tepërt i shumë informacioneve në pak sekonda krijon tek ne gjendje stresi dhe pasigurie, dhe ky aktivitet kontribuon në rritjen e nivelit të kortizolit në trup (hormoni i stresit).
Përdorimi i rrjeteve sociale mund të duket në pamje të parë si argëtues dhe që na jep emocione pozitive, por në fakt na krijon stres të ri në trurin tonë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
