Vendi skandinav ka hartuar një ligj që parashikon se reklamuesit dhe influencuesit e Instagram, të tregojnë çdo modifikim që u kanë bërë fotove të tyre, kur i postojnë ato.
Nëse ke modifikuar pamjen, me ligj, duhet të tregosh se ç’ke bërë. Nuk tolerohet më mashtrimi përmes aplikacioneve perfeksionues.
Sipas raportit të The Hill, ligji i ri kërkon që të gjithë influencuesit dhe krijuesit e përmbajtjes të zbulojnë kur kanë bërë modifikime apo kanë shtuar një filtër në foto.
Çdo foto ku “forma, madhësia ose lëkura e trupit është ndryshuar nga retushimi ose manipulime të tjera” duhet të shënohet si e modifikuar, thuhet në ligj.
Përveç ndryshimit, influencuesit duhet gjithashtu të etiketojnë imazhet e ndryshuara nëse paguhen ose përfitojnë në një farë mënyre nga postimi.
Parlamenti norvegjez miratoi ligjin muajin e kaluar me një votim 72-15.
Ministria norvegjeze e Fëmijëve dhe Familjes ndau në një deklaratë se redaktimi i fotove kontribuon në “pasigurinë sociale, ndërgjegjen e keqe, vetëvlerësimin e ulët” dhe “kontribuon në presionin e trupit”.
Ligji i ri synon të vërë një theks të veçantë në mënyrën se si portretizohen gratë në shoqëri dhe si kjo kontribuon në pasiguri.
“Masa, shpresojmë se do të japë një kontribut të dobishëm dhe të rëndësishëm në frenimin e ndikimit negativ që ka një reklamë e tillë, veçanërisht tek fëmijët dhe të rinjtë,” shtoi ministria.
Ligji i ri është një ndryshim në Aktin e Marketingut të vitit 2009 dhe ende duhet të miratohet nga Mbreti i Norvegjisë, Harald V, para se të vihet në miratim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
