Banka e Shqipërisë ka njoftuar nëpërmjet faqes së saj zyrtare se në datën 15 qershor 2021, ora 11:00, në ambientet e Bankës së Shqipërisë do të organizohet prezantimi i dy prerjeve të radhës së serisë së re të kartëmonedhës shqiptare, përkatësisht 1000 Lekë dhe 10000 Lekë.
Më 15 qershor këto kartëmonedha do të nisin qarkullimin në Shqipëri, ku kartëmonedha 10000 lekë do të jetë një risi, pasi nuk është përdorur asnjëherë më parë në vendin tonë.
Më parë në 2019 në treg u hodh kartëmonedha me vlerë 200 lekë dhe ajo 5000 lekë. Përgjatë këtij viti dhe vitit tjetër pritet të hidhen në qarkullim gjthashtu kartëmonedhat e mbetura ajo me vlerë 2000 lekë dhe 500 lekë.
10000 lekë është kartëmonedha me vlerën më të lartë që Shqipëria do të ketë në qarkullim.
Kartëmonedha 10000 Lekë ka simbolet e flamurit kombëtar dhe himnit me portretin e Asdrenit.
Lexoni: Brenda qershorit prezantohet kartëmonedha 10 mijë lekë
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
