Gjatë fjalës së saj në Kuvend, Ministrja e Shëndetësisë Ogerta Manastirliu theksoi se shtimi i infektimeve mbetet një sinjal alarmi.
“Pandemia nuk ka ikur, virusi është ende këtu dhe do të vazhdojë të jetë”, tha Manastriliu.
Sipas ministres, “Dje janë arritur mbi 500 të shtruar në spitalet e Covid. Janë në rritje të infektuarit në moshat e reja, po ashtu janë në rritje dhe pacientët në terapi intensive. Spitalet Covid janë duke përballuar një fluks në rritje, ndërsa spitalet rajonale po trajtojnë rastet post covid dhe ato të dyshuara për të lehtësuar dhe përballuar situatën”.
Lexo: Dështimi i vaksinimit do t’i kushtojë ekonomisë globale 9.2 trilionë dollarë
Bazuar në strategjitë e skenareve të vjeshtë-dimrit, sipas ministres, do të aktivizohen spitalet rajonale, duke nisur nga sot. Niset me Durrësin e Shkodrën, dhe më tej me Vlorën, Korçën dhe Elbasanin. “Nëse do të ketë mbingarkesa në këto spitale do të vijojmë me skenarët e dytë dhe të tretë për të aktivizuar në kapacitete të plota pavionët Covid nrenda strukturave tona të spitaleve rajonale”, tha ajo.
Po sot, sipas ministres, do të vijë dhe doza e tretë vaksinave prej 7 mijë, ndërsa po punohet për të lidhur kontrata të tjera.
Sipas Skënder Bratajt, ka një fond prej 40 mijë vaksinash, që sipas kontratës së nënshkruar mes Shqipërisë dhe kompanisë Pfizer do të dorëzohen brenda këtij muaji. Shqipëria ka një kontratë prej gjysmë milioni vaksina me Pfizer dhe rreth 1.1 mln të tjera si pjesë e mekanizmit të Covax, ndërkohë që Qeveria thotë është në bisedime edhe me kompaninë AstraZeneca
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
