Shitjet e Apple shënuan rekord gjatë periudhës së Krishtlindjes, pasi familjet zgjodhën risitë e fundit të kompanisë, telefonë, laptopë dhe aparatura të tjera.
Rekordi i rritjes u sënua në Kinë me 57%. Në tre muajt e fundit të 2020 shitjet i kaluan 111 miliardë dollarë, një rritje me 21 për qind krahasuar me të njëjtën periudhë të vitit të mëparshëm. Për këtë ka ndikuar pandemia, e cila ka bërë që më shumë aktivitete të kthehen online, duke rritur kërkesën për teknologji të re.
Apple numëron tashmë më shumë se 1.65 miliardë aparatura aktive në shkallë globale, përfshirë mbi 1 miliard iPhonë. Fitimet e Apple vijnë pas prezantimit të serisë së re të iPhonëve 12, që ekzekutivët kanë thënë se kanë bindur një numër rekord njerëzish të ndryshojnë markë ose të rifreskojnë modelet më të vjetra. Kompania tha se kishte rritje në kinë, ku pandemia e ka zbutur tani peshën mbi ekonominë, e ndihmuar kjo pjesërisht edhe nga rritja e kërkesës për telefonë me rrjetin e ri 5G.
Lexo: Pasuria e miliarderëve u rrit me 27 përqind gjatë pandemisë
Shitjet në rajonin e gjerë të Kinës, që përfshin edhe Hong Kongun dhe Tajvanin, u rritën me 57 për qind. Ndërsa në Europë shitjet u rritën me 17 për qind dhe me 11 përqind në kontinentet amerikan.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
