Një test me rëndësi i megaraketës së NASA-s, përfundoi para kohe, por agjencia mohoi që të bëhej fjalë për një dështim.
Vetëm pak para 22. 30 të shtunën, katër motorët e të njohurës si megaraketa, u ndezën duke qëndruar në punë për më shumë se një minutë, para se testi të ndërpritej.
Faza e rëndësishme e sistemit të lancimit hapësinor po vlerësohej në qendrën hapësinore Stennis, në Mississipi. Motorët duhej të qëndronin ndezur për tetë minuta për të simuluar ngjitjen e raketës në orbitë. SLS është pjesë e programit Artemis të NASA-s, që synon të kthejë amerikanët në sipërfaqen e Hënës në 2020. Kur të bëjë fluturimin inaugurues, me shumë mundësi më vonë gjatë këtij viti, SLS do të bëhet raketa më e fuqishme që ka fluturuar ndonjëherë në hapësirë.
Lexo: Jeff Bezos planifikon të dërgojë për herë të parë një grua në Hënë
Teknikët në Stennis po analizojnë të dhënat. Kjo ishte hera e parë që të katër motorët RS-25 ndizeshin njëkohësisht.
Ky ishte testi i tetë dhe final në Green Run, një program vlerësimi i kryer nga inxhinierët e NASA-s dhe Beoing, i kontraktuar kryesor i NASA-s për raketën. Ata donin të siguroheshin për probleme të mundshme para se platforma të përdorej për lancimin e parë të SLS, që do të dërgojë anijen hapësinore të gjeneratës së re të NASA-s, Orion, përreth Hënës.
Administratori i NASA-s, Jim Bridenstine, nuk e quajti dështim ngjarjen e së shtunës. Ai tha se, për këtë bëhen testet. “Para se të vendosen astronautët amerikanë në raketa amerikane, këto të fundit duhet të jenë perfekte”, theksoi Bridenstine.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
