Të gjithë kemi dëgjuar për teknologjinë e Blockchain, por pak nga ne dinë si është krijuar, modelet kryesore të saj, dhe disa prej avantazheve të ndryshme të kësaj teknologjie revolucionare. Doni të mësoni më shumë?
TechTalks (Online) organizuar nga ikubINFO, në bashkëpunim me RisiAlbania, projekt i Agjencisë Zvicerane për Zhvillim dhe Bashkëpunim, vjen këtë herë për ju me një temë tepër interesante të titulluar ‘Introduction to Blockchain. A new technology for a new world economy’.
Folësja për këtë̈ temë interesante është̈ Ada Kokoshi, VP në Digital Product and Innovation Development Team në State Street Bank, e cila është posaçërisht e apasionuar me Fintech. Ajo do të prezantojë studimin e saj në lidhje me teknologjinë Blockchain.
Do keni mundësinë të shihni një këndvështrim tjetër të Blockchain, e parë në kontekstin e International Finance Supply Chain, ku me anë të shembujve dhe materialeve të ndryshme do të keni mundësinë të mësojmë më tepër rreth kësaj teme.
Gjatë sesionit, do të prezantohen shembuj konkretë studimi, demo të ndryshme, si dhe një Q&A në fund, ku do të keni mundësi të bëni pyetjet dhe komentet tuaja.
IkubINFO ka nisur iniciativën e TechTalks Event Series në mënyrë që të krijojë një hapësirë ku profesionistët dhe të apasionuarit mbi teknologjinë dhe programimin të kenë mundësi të ndërveprojnë me njëri-tjetrin, dhe të ndajnë njohuritë dhe idetë e tyre inovative.
Eventi është i hapur për të gjithë profesionistët e fushës së teknologjisë dhe financës, studentët e ekonomisë ose shkencave kompjuterike, apo të gjithë të apasionuarit mbi Fintech.
Mos ngurroni të bashkoheni Online me datë 24 Nëntor, ora 17:30 në platformën Teams.
Klikoni këtu për t’u regjistruar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
