Është hapur drita jeshile për një investim prej 8 milionë eurosh që pritet të nisë në Lushnje. Këshilli Kombëtar i Territorit ka miratuar lejen për ndërtimin e “Qendës së grumbullimit, ruajtjes, distribuimin dhe eksportit të frutave, perimeve dhe agrumeve”. Projekti në foto, do të mbajë emrin “Doni Fruits”.
Sipërmarrësit parashikojnë me planin e tyre të biznesit të shfrytëzojnë një sipërfaqe prej 3 hektarë tokë, nga të cilat 1.5 hektarë i zë objekti. Investimi pritët të hapë 300 vende pune direkte, dhë të ndikojë në mënyrë indirekte në 6000-7000 vende pune. Fatos Mustafa, i cili ka lobuar për këtë projekt, thekson se kjo qendër do të nxisë rritjen e prodhimit bujqësor në Shqipëri dhe eksportin.
Vitet e fundit, investimet në magazinimin dhe ruajtjen e produkteve janë shtuar, megjithatë, pjesa më e madhe prodhimeve të fushës në Lushnje vijojnë të ngarkohen që në fusha në kamionët e destinuar për eksport.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
