Megjithëse ditët e tij janë të mbushura me Tesla, SpaceX, kërkime kibernetike dhe shumë e shumë tweeting, duket se Elon Musk gjithashtu gjen kohën për ta bërë leximin pjesë të rutinës së tij. Biznesmeni miliarder është i njohur se ndan me ndjekësit e tij të gjitha rekomandimet dhe mendimet e tij në Twitter, kështu që nuk është për t’u habitur që edhe librat janë pjesë e kësaj.
Librat më të rekomanduar po ua sjellim në këtë artikull ku ju mund të shikoni disa nga zgjedhjet më interesante nga lista e tij e gjatë.
- Life 3.0: Being Human in the Age of Artificial Intelligence
“Jeta 3.0: Të jesh njeri në epokën e inteligjencës artificiale” nga Max Tegmark
Çfarë thotë Musk: “Ky është një udhëzues tërheqës për sfidat dhe zgjedhjet në kërkimin tonë për një të ardhme të mrekullueshme të jetës, inteligjencës dhe ndërgjegjes, në Tokë dhe më gjerë.”
- Zero to One: Notes on Startups, or How to Build the Future
“Zero në Një: Shënime për Startup-et, ose Si të Ndërtojmë të Ardhmen” nga Peter Thiel
Çfarë thotë Musk: “Peter Thiel ka ndërtuar kompani të shumta të suksesshme dhe ‘Zero në Një’ e tregon se si e ka bërë këtë.”
- Superintelligence: Paths, Dangers, Strategies
“Superinteligjenca: Shtigjet, Rreziqet, Strategjitë” nga Nick Bostrom
Çfarë thotë Musk: Vlen të lexohet ‘Superinteligjenca’ nga Bostrom. Duhet të jemi shumë të kujdesshëm me IA. Potencialisht më e rrezikshme se nuklearët.
- The Wealth of Nations and Das Kapital
“Pasuria e Kombeve” nga Adam Smith dhe “Das Kapital” nga Karl Marx
Çfarë thotë Musk: E kam lexuar Das Kapital kur isha 14 vjeç, përfshirë përkthimin anglisht të gjermanishtes origjinale si dhe Adam Smith. Ironikisht, automatizimi në të ardhmen natyrshëm do të çojë në barazi më të madhe të konsumit. Monopolet janë armiku i vërtetë i njerëzve. Konkurrimi për të shërbyer është i mirë.
- The Fault in Our Stars
“Faji në yjet tona” nga John Green
Çfarë thotë Musk: Duhet të pranoj se po më pëlqen shumë “Faji në Yjet Tona”. Histori e trishtuar, romantike dhe me emër të bukur.
- Lying
“Lying” nga Sam Harris
Çfarë thotë Musk: Lexoni ” Lying”, libri i ri nga miku im Sam Harris. Art i shkëlqyer i kopertinës dhe shumë arsye të mira për të mos gënjyer!
- Merchants of Doubt
“Tregtarët e Dyshimit” nga Naomi Oreskes
Çfarë thotë Musk: Ia vlen të lexohet “Tregtarët e Dyshimit”. I njëjti që u përpoq të mohonte vdekjet nga pirja e duhanit apo ndryshimin e klimës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
