Shumica e njerëzve nuk mendojnë që konkurrenca është e dobishme. Priremi të mendojmë se konkurrenca e çdo lloji është e keqe për ne.
Por, ka shumë aspekte pozitive të konkurrencës dhe duke mësuar rreth tyre, mund të jeni gati të përdorni përfitimet në avantazhin tuaj. Kjo vlen si në biznes edhe në jetën tuaj personale.
Lexo: Si të kemi një pozicion strategjik në treg
Ju mban vigjilent
Pa konkurrencë, do të jeni të qetë dhe nuk do të keni kurrë shqetësime. Kjo ju bën të prirur për gabime që mund të jenë të kushtueshme. Me konkurrencën përrreth, ka më shumë të ngjarë të mbani sytë hapur dhe të kapni çdo detaj gjatë rrugës, në mënyrë që të mbeteni në krye të lojës tuaj. Konkurrenca ju bën të shihni gjëra që normalisht nuk do t’i shihnit në mungesë të saj.
Ndihmon në vlerësimin e pikave të forta dhe të dobët
Me anë të konkurrencës, arrini të masni performancën tuaj. Të dini se çfarë po bëni mirë dhe çfarë është e gabuar, është në anën tuaj, është një përfitim për ju. Kjo ju ndihmon të përcaktoni se ku dëshironi të arrini si individ.
Ju bën krijues
Pa konkurrencë, ndoshta do të ishim akoma në epokën e gurit. Shikoni përreth jush. Gjithçka që shihni është një nënprodukt i një lloj konkurrence. Shikoni sa larg ka arritur pavarësisht nëse bëhet fjalë për biznesin ose jetën tuaj personale, krijimtaria sjell më të mirën për të gjithë ne.
Ndihmon për të menaxhuar suksesin dhe dështimin. Sigurisht, në çdo mjedis konkurrues ka pengesat dhe sukseset e tij. Mënyra se si ju përballoni këto situata, tregon formimin dhe karakterin tuaj. Konkurrenca na detyron të merremi me të dy palët e medaljes, dhe kjo është arsyeja pse sportet janë një përvojë e shkëlqyeshme e të mësuarit. Ajo i ndihmon ata të merren me fitimin dhe humbjen dhe si reagojnë ndaj saj, që është një aftësi thelbësore për të zotëruar ndërsa menaxhoni jetën tuaj në moshën e rritur.
Rrit cilësinë tuaj
Përmirësimi dhe ecja përpara është pjesë e evolucionit. Sa më shumë cilësi të ofroni, aq më shumë vlerësim do të gjeni rreth jush.
Ju bën të këmbëngulni
Pa konkurrencë, nuk do të kishim asnjë arsye të vazhdonim. Ne nuk do t’i dinim kufijtë tanë dhe sa larg mund t’i shtrijmë ato. Shpërblimi i këmbënguljes është i çmuar dhe për të provuar shpërblime të tilla, ju duhet një arsye. Konkurrenca është kjo arsye.
Lexo: Sfidat e grave në bujqësi
Planifikimi afatgjatë
Ndërsa duhet të ecni përpara, jeni i detyruar të planifikoni. Ju duhet të keni një drejtim dhe një qëllim. Pa konkurrencë, nuk do ta dini se ku është vija e përfundimit. Si do të arrini atje? Nevojitet të kesh një “hartë” të qartë dhe të saktë të asaj që duhet të bësh për të arritur aty ku dëshiron të jesh.
Konkurrenca ju shtyn të keni një plan për të realizuar, sepse kjo është mënyra e vetme në të cilën mund të jeni vërtet në lojë dhe të keni një shans për të fituar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
