Si të kemi një pozicion strategjik në treg


Amantia Kullolli

Pozicionimi është një pjesë e rëndësishme e procesit të marketingut strategjik. Për të krijuar një pozicion për një produkt ose shërbim, ekspertët e pozicionimit Al Ries dhe Jack Trout sugjerojnë se marketuesit duhet të konsiderojnë gjashtë pyetje themelore:

  • Cili është pozicioni që kemi aktualisht?
  • Cili është pozicioni që dëshirojmë të kemi?
  • Nga cilët konkurrentë duhet ta fitojmë këtë pozicion?
  • A kemi para për ta bërë këtë punë?
  • A kemi këmbëngulje për të qëndruar?
  • A përputhet me të strategjia jonë krijuese?

Pasi këto pyetje të marrin një përgjigje, ne duhet të zhvillojmë një platformë pozicionimi:

  1. Identifikoni konkurentët:

Identifikimi i konkurentëve kërkon një mendim të gjerë duke marrë parasysh të gjithë konkurentët e mundshëm. Konkurentët mund të jenë nga fusha të tjera të produkteve. Identifikimi dhe vlerësimi i tyre të çon në vendime, për t’u plotësuar klientëve atë shërbim që ata nuk e kanë.

  1. Vlerësoni perceptimet e tyre:

Pasi përcaktohen konkurrentët, duhet të vendoset se si ata perceptohen nga konsumatorët. Hulumtimi i tregut përdoret për të vlerësuar se cilat atribute janë të rëndësishme në proçesin e vendimarrjes. Ju duhet të analizoni sesi shikohen konkurrentët tuaj në syrin e klientëve.

  1. Përcaktoni pozicionimet e tyre:

Cilat janë pozicionet e konkurentëve tanë, si dhe cilat janë pozicionet tona në treg aktualisht? Kjo bëhet në lidhje me atributet e rëndësishme të produktit apo shërbimit. Duke krahasuar atributet e shërbimit ose produktit tuaj ju përcaktoni edhe pozicionin që keni në treg dhe konkurentët tuaj.

  1. Analizoni preferencat e konsumatorit:

Cilat janë motivet e blerjes së konsumatorëve dhe cilat atribute janë të rëndësishme për ta? Përcaktimi i markës ose produktit ideal të konsumatorit është një mënyrë për të vlerësuar këtë. Pse konsumatori dëshiron të blejë? Për të përmbushur një nevojë, është përgjigjia e saktë e kësaj pyetje. Ju duhet të zbuloni preferencat e tyre për të sjellë tek ata produktin ideal dhe ata t’ju zgjedhi ju.

  1. Merrni vendimin e pozicionimit:

Kalimi nëpër katër hapat e parë duhet të çojë në një vendim në lidhje me pozicionin për të marrë në treg. Analizimi i atyre katër hapave të çon drejt pozicionit që do marrësh në treg.

  1. Monitoroni pozicionimin:

Duhet vlerësuar se sa mirë po ruhet pozicioni në treg. Ju analizoni gjendjen tuaj para dhe pas bërjes së këtyre hapave. Monitorimi është shumë i rëndësishëm pasi do të shikoni ku ishit dhe ku gjendeni aktualisht.

Në marrjen e një vendimi përfundimtar në lidhje me pozicionimin, marketerët duhet të bëjnë disa gjykime subjektive. Këto janë pyetjet që një marketer duhet t’u përgjigjet përpara se të merret një vendim përfundimtar:

  • A po funksionon strategjia aktuale e pozicionimit?
  • A është e përshtatshme strategjia e segmentimit?
  • A ka burime të mjaftueshme për të komunikuar pozicionimin?
  • Sa e fortë është konkurenca?

Këto janë pyetjet përfundimtare që ju duhet të bëni pasi keni realizuar gjithçka në lidhje me zhvillimin e një plani strategjik.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale