68 filma në kohë pandemie, nis Festivali i Filmit “Dea Open Air” - Business Magazine Albania

68 filma në kohë pandemie, nis Festivali i Filmit “Dea Open Air”

Festivali ndërkombëtar i filmit “Dea Open Air” ngriti siparin e edicionit të shtatë për të vijuar deri në 16 tetor në kryeqytet. Kjo është hera e dytë që festivali i filmit zhvillohet në Tiranë, sepse 5 edicionet e mëparshme janë organizuar në Sarandë e Gjirokastër.

Këtë vit janë përfshirë në konkurs 68 filma artistikë me metrazh të gjatë dhe të shkurtër, si dhe dokumentarë. Kosova çeli festivalin me filmin “Cirku Fluturues”, që është vlerësuar edhe me disa çmime ndërkombëtare. Një komedi e zezë, edhe pse skenaristi dhe regjisori Berisha nuk i ka qejf etiketimet, rrëfen aventurat e rrezikshme të katër aktorëve të rinj nga teatri “Dodona”  të Prishtinës që kalojnë ilegalisht kufirin nga Mali i Zi, për të marrë pjesë në një festival teatrosh në Tiranë.

LEXO: Festivali i Filmit në Venecia mund të rrisë turizmin

Por filmi në të vërtetë rrëfen regjisori është homazh për dy artistë shqiptarë; aktoren nga Kosova Adriana Abdullahu, e vrarë nga serbët në ditën e saj të diplomimit dhe aktorin nga Shqipëria, Vangjush Furxhi. E para reflekton të gjithë gjeneratën e aktorëve që përjetuan luftën e Kosovës. I dyti, aktori i ndjerë Vangjush Furxhi duket edhe filli që e çoi regjisorin të shkruante skenarin për këtë film, që vetëm pak ditë më parë u vlerësua me “Grand Prix”, në festivalin “War on Screen”, në Francë.

Shqipëria nuk merr pjesë në festival!

“Dea Open Air” ka bërë bashkë projekte artistike nga gjithë bota, duke përfshirë Gjermaninë, Rusinë, Italinë, Bjellorusinë etj, por vendi ynë që është edhe organizator, nuk merr pjesë në të këtë vit. Në fakt kanë qenë të pakta rastet kur Shqipëria ka konkurruar në këtë festival dhe drejtori i tij, Edmond Topi ka treguar arsyen pse ndodh kjo gjë. Ai u shpreh se vendi ynë ka synuar gjithmonë të arrijë në Oscar dhe festivale ndërkombëtare, por nuk ia ka dalë kurrë mbanë. Ai e ka cilësuar si diçka tepër qesharake që artistët shqiptarë nuk preferojnë të tilla festivale, por kërkojnë gjithmonë të dalin jashtë e të mos fitojnë asgjë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0