Festivali i Filmit në Venecia mund të rrisë turizmin - Business Magazine Albania

Festivali i Filmit në Venecia mund të rrisë turizmin

Gondolierët, pronarët e restoranteve dhe hoteleve po shpresojnë që Festivali i Filmit në Venecia do të rigjallërojë industrinë e rropatur të turizmit në atë qytet. Zyrtarët lokalë thonë se qyteti është dëmtuar rëndë si rezultat i mbylljes nga koronavirusi, por ata shpresojnë se festivali, i cili fillon në shtator, do të ndihmojë në lehtësimin e humbjeve të tyre.

Zyrtarët e qytetit thonë se Venecia u tansformua papritmas. Disa ankoheshin nga turizmi i tepruar, por kjo ishte para pandemisë. Destinacioni i famshëm për gondolat, arkitekturën madhështore dhe kanalet ujore, tani po shpreson se turizmi do të ndryshojë efektet e mbylljes së Italisë në ekonominë e saj.

LEXO: Kënga e yllit të ri shqiptar në filmin e Netflix

Maurizio Carlotto është Nënkryetar i Shoqatës së Gondolierëve. Ai po shpreson për një ndryshim në fatin e tyre. “Nuk e di nëse njerëzit do të mund të përballojnë një tjetër vit si ky. Nuk jemi vetëm ne, por edhe hotelet dhe restorantet apo dyqanet. Ekonomia e qytetit varet nga turizmi dhe i gjithë qyteti është ndikuar nga mungesa e turizmit. ” Sipas këshillit të qytetit, turistëtë që sjellin të ardhurat më të mëdha vijnë nga jashtë Evropës dhe janë pikërisht ata që po qëndrojnë larg. Paola Mar është këshilltare për turizmin. “Rreth 45 deri 50 përqind të turistëve nuk janë evropianë. Këta turistë që vijnë nga Amerika, Kanadaja, Australia, Kina apo vende të tjera sjellin 70 përqind të të ardhurave. Ky grup turistësh tani nuk mund të vizitojë. Aktualisht kemi 20-30 përqind shfrytëzim të hoteleve. Festivali i shtatorit sjell një perspektivë më të mirë.”

Stefania Stea është pronare e hotelit Ca’Nigra në Venecia dhe është Nënkryetare e Shoqatës së Pronarëve të Hoteleve të Venecias. Ajo dhe kolegët e saj nuk po presin rritje dramatike të biznesit pasi Festivali i Filmit zhvillohet në Lido, një ishull i ndarë nga qendra e qytetit. “Kemi nevojë për gjithçka që mund të rrisë turizmin cilësor. Fatkeqësisht nuk u organizua Bienalja por tani sytë i kemi tek Festivali i

Filmit i cili zgjat vetëm pak ditë dhe është në format të reduktuar dhe zhvillohet në Lido.” Në Lido punonjësit po pëgatisnin para pak ditësh mbajtjen e Festivalit të Filmit të Venecias, ngjarja më e madhe në Venecia që prej disa muajsh bllokimi nga koronavirusi.

Hoteli luksoz ‘Excelsior’, ku zakonisht qëndrojnë yjet dhe figurat e njohura të industrisë së artit dhe biznesit, ka filluar të hapë portat pas disa muajsh mbylljeje. Organizatorët e festivalit kanë publikuar udhëzimet të rrepta për vizitorët e kësaj veprimtarie.

VOA

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0