5G edhe në Shqipëri këtë vit?!


Këtë vit, Autoriteti i Komunikimeve Elektronike dhe Postare mund të tenderojë dhënien e disa frekuencave të reja që mundësojnë ofrimin e shërbimit 5G për kompanitë celulare dhe grupe të tjera. AKEP ka miratuar të enjten një dokument të hapur tashmë për këshillim publik, “Mbi dhënien e të drejtave të përdorimit në brezin e frekuencave 800 MHz (790-862 MHz).”

Frekuencat ishin në përdorim nga televizionet, por me procesin e dixhitalizimit, ato pritet të kalojnë në dispozicion të AKEP dhe pas pak muajsh mund të nisë puna për tenderimin e tyre te kompanitë celulare.

Lexoni : https://businessmag.al/5-gjera-qe-duhet-te-dini-per-5g/

Akep vëren se, kjo i hap rrugën procesit të shumëpritur që këto frekuenca, deri më sot në përdorim nga subjektet e transmetimeve audovizive dhe nën administrimin e AMA-s, t’i kalojnë në disponim efektiv për administrim AKEP-it sipas Planit Kombëtar të Frekuencave. Ky plan, thekson se frekuenca të tilla janë për përdorim nga operatorët që ofrojnë rrjete dhe shërbime publike të komunikimeve elektronike – telefoni e lëvizshme, për të mundësuar ofrimin e shërbimeve të gjeneratave teknologjike të avancuara të sotme dhe të prespektivës të njohura ndryshe si LTE.

“Procesi i ndjekur për të arritur deri në këtë fazë, ka qenë i gjatë dhe shumë i vështirë për shkak të përdorimit të tyre për transmetime audiovizive dhe nevojës së lëvizjes së këtyre transmetimeve në transmetim dixhital dhe arriti të realizohet përfundimisht.”

Hapat drejt 5G, “e rendisin edhe Shqipërinë në vendet më të zhvilluara në Rajon dhe Europë në ofrimin e rrjeteve dhe shërbimeve publike të komunikimeve elektronike broadband të shpejtësisë së lartë,” vëren AKEP.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale