Në eventin e organizuar sot, në ambientet e Innovation Hub Tirana, u festua 5 vjetori i Dyqan Taxi, pjesë e kompanisë NetTrade Albania. Business Mag ishte pjesë e eventit për të ofruar mbështetjen e saj për këtë kompani.
Dyqan Taxi është dyqani më i madh i shitjeve online në Shqipëri, me një larmi artikujsh të cilat shtohen dita-ditës.
Ata janë të pranishëm në treg që prej datës 11.11.2011 dhe që atëherë janë zgjeruar çdo ditë e më shumë.
Këtë e tregoi dhe prezantimi i bërë nga dy drejtuesit, Valer Pinderi dhe Altin Luli. Ata na treguan se si i kishte patur fillesat kompania në tregun shqiptar, sa e vështirë ishte të përballej me njerëzit të cilët nuk kanë ende besimin e mjaftueshëm në blerjet online dhe se si kjo kishte ndryshuar përgjatë këtyre 5 viteve.
Ata gjithashtu treguan vizionin që kishin për të ardhmen për të qenë zgjedhja e parë e të gjithëve në fushën e blerjeve online në kategoritë e produkteve që ata ofrojnë, si dhe disa synime që kishin vendosur të arrinin deri në vitin 2018.
Këtu mund të permendim dyfishimin e kapacitetit të publikimit dhe promovimit të produkteve të reja deri në Maj 2017, shtimin e numrit të vizitorëve në faqen online, hapjen e 5 pikave të reja në të gjithë Shqipërinë gjatë vitit të ardhshëm etj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English