5 Teknologji që biznesi juaj duhet t’i adaptojë menjëherë


Teknologjia e biznesit është gjithmonë në ndryshim dhe nëqoftëse ju nuk bëni më të mirën tuaj për të qëndruar përpara konkurrentëve, ju mund t’a gjeni veten duke luajtur një lojë shumë të rrezikshme. Realizimi i proceseve të biznesit në mënyrë automatike si dhe inkorporimi i metodave të reja të pagesës dhe shërbimit ndaj klientit janë të rëndësishme për të qëndruar konkurrues si një shitës me pakicë dhe punëdhënës. Klientët duan të blejnë nga bizneset që mund t’u përgjigjen nevojave të tyre shpejt ndërsa punonjësit duan të punojnë në një mjedis që është efikas dhe i sigurt.

Për të tërhequr punëtorë të talentuar dhe për të mbajtur klientët e interesuar, biznesi juaj duhet të përfshijë këto 5 teknologji të biznesit sa më shpejt të jetë e mundur.

1. Forma Dixhitale e Pagesës
Sipas një studimi të fundit nga Statista, pagesat nga smartphone-ët personal janë parashikuar të arrijnë 23.47 miliardë $ në vitin 2018. Nëse ju ende nuk jeni duke përdorur Apple Pay dhe Google Wallet, kjo duhet të jetë në krye të listës suaj të prioriteteve nëqoftëse ju doni që biznesi juaj të vazhdojë të rritet.

Përdorimi i pagesave dixhitale krijon një proces më të efektshëm dhe më të shpejtë se arka. Pavarësisht se ju mund të përjetoni disa vështirësi në adoptimin e formave të reja të pagesave, kjo gjë përforcon imazhin e biznesit tuaj duke e bërë të duket më i avancuar dhe modern.

2. Sigurimi i Informacionit
Rreth 15 milionë njerëz janë viktima të vjedhjes së identitetit çdo vit, shumica e të cilëve janë hakuar nëpërmjet formave të blerjes online. Vjedhjet e identitetit dhe krimi kibernetik janë padyshim në rritje dhe problemi do të vazhdojë të komplikohet. Rritja e sigurisë është përgjegjësi e biznesit tuaj për të siguruar të dhëna të mbrojtura të klientëve tuaj dhe të mbani të sigurt informacionin rreth pagesave.

Konsideroni punësimin e një konsulenti të sigurisë së të dhënave për të shqyrtuar faqen tuaj për shkelje të mundshme të sigurisë dhe kushtojini vëmendje të veçantë sigurisë së pagesave online dhe çdo të dhëne të konsumatorëve.

3. Punëtorët “e lëvizshëm”
Gjithnjë e më shumë persona janë duke punuar me kohë të plotë në një punë të largët (freelancing) që i mundëson atyre të punojnë nga shtëpia. Kjo është gjë shumë e mirë edhe për punëtorët, të cilët dëshirojnë të kenë një orar më fleksibël dhe për punëdhënësit të cilët mund të përdorin punonjësit e largët për të zgjidhur problemet e tyre në mungesë të kandidatëve të kualifikuar të punës.

Bizneset që duan të punësojnë talentin më të mirë duhet të marrin parasysh dhe punësimin e këtyre punonjësve të largët. Pavarësisht se kjo gjë mund t’ju duket e frikshme, të qëndrosh në kontakt dhe monitorimi i progresit të punës tani është më e lehtë se kurrë, në sajë të platformave të internetit.

4. Skedulimi automatik i takimeve
Bizneset që ofrojnë shërbime të pavarura, si zyrat e dentistëve, profesionistëve të kujdesit të pasurive apo sallonet janë duke kërkuar software për skedulimin e takimeve që lejon konsumatorët të planifikojnë takimet e tyre pa ndihmën e një të punësuari. Vendosja e këtij software-ve në faqen tuaj të internetit është e lehtë dhe do të modernizojë procesin e skedulimit, do të shtojë kohën e lirë për punonjësit administrativ dhe i jep mundësi konsumatorëve për të lënë një takim, pa marrë në telefon.

5. Shërbimi ndaj klientit në një “Live Chat”
Sigurimi i një shërbimi të shpejtë dhe efektiv është i rëndësishëm për suksesin e biznesit tuaj dhe teknologjia e bën të mundur këtë gjë për ju nëpërmjet një live chat. Shumë kompani janë përfshirë në live chat, duke përdorur punonjësit e largët pët të shmanguar përdorimin e call-center.

Për të shtuar një live chat për kujdesin ndaj klientit në faqen tuaj te internetit, ju duhet të instaloni një software për live chat. Ka disa opsione të lira si dhe shërbime me pagesë. Bëni një kërkim për të gjetur zgjidhjen më të mirë për biznesin tuaj.

Teknologjitë e biznesit janë gjithnjë në zhvillim dhe biznesi juaj duhet të ndjek këto ndryshime nëqoftëse ju dëshironi të qëndroni lart në industrinë tuaj. Ruaj kohë, para dhe fuqi punëtore, rekruto punonjësit më të mirë dhe mbani pranë klientët e rëndësishëm duke përfshirë këto 5 teknologji në biznesin tuaj TANI!

Burimi: huffingtonpost.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale