5 mënyra për të menaxhuar me sukses rrjedhën e parave të biznesit tuaj të vogël
Përditësuar së fundmi: 09/10/2019

5 mënyra për të menaxhuar me sukses rrjedhën e parave të biznesit tuaj të vogël

Share
nga Ornela Trupja
Tet 09, 2019

Pavarësisht nëse jeni biznes i madh apo i vogël, paratë janë shumë të rëndësishme në punë. Por mbajtja e një rrjedhe të shëndetshme të këyre parave, mund të jetë një luftë e vërtetë. Dhe administrimi i atyre parave me sukses, ndërsa ndërtoni një kompani është veçanërisht sfidues për pronarët e bizneseve të vogla.

Lexoni disa mënyra për të mbajtur të qëndrueshme rrjedhën e parave të biznesit tuaj.

Bëni një bilanc paraprak për të kuptuar se ku jeni
Aspekti më kritik i administrimit të fluksit të parave është të dish se ku je. Vazhdimisht mbajtja nën kontroll e buxhetit tuaj është një sfidë më vete, prandaj duhet të mundoheni të anashkaloni pengesat dhe të identifikoni mundësitë. Mos harroni që është biznesi juaj dhe duhet t’i përkushtoheni në të gjitha drejtimet. Rishikoni rregullisht deklaratën tuaj të fluksit të parave dhe shikoni qartë se sa para hyjnë dhe dalin.

Lexo:  Tre ngjarje të veçanta biznesi në 2020

Planifikoni shpenzimet
Nuk është e mjaftueshme të dini se ku kanë shkuar fondet, por duhet të dëshironi të përgatiteni edhe për kostot e ardhshme. Filloni me shpenzimet tuaja të përmuajshme, si qiraja, shërbimet komunale dhe lista e pagave. Mos harroni shpenzime të tilla si pagesat gjysmëvjetore të sigurimeve ose tarifat vjetore të internetit. Atëherë llogaritni ato shpenzime në mënyrë të njëhershme, por duke i parashikuar me kujdes dhe shikoni se sa para do ju nevojiten për muajt në vazhdim. Më në fund, ndërtoni një bilanc të shëndetshëm në rezervat tuaja të parave. Është plotësisht normale që fluksi i parave të ndryshojë me kalimin e kohës. Ndoshta biznesi juaj është sezonal, ju jeni goditur me një shpenzim surprizë, ose është thjesht një muaj i ngadaltë për nga zhvillimet financiare.

Cilido qoftë shkaku, ju duhet të keni para në gjendje edhe në momentet më të vështira të biznesit tuaj.  Me një rrjet të fortë sigurie në një bankë, ju do të jeni në gjendje të mbështesni komaninë tuaj pa patur nevojë të zhyteni në borxhe.

Sigurohuni që po fitoni para
Ju jeni duke punuar shumë, kështu që mbajtja e rrjedhës së parave tuaja të shëndetshme do të thotë të paguani në kohë. Vendosni një sistem për dërgimin e faturave dhe përcjelljen e pagesave.  Caktoni një dritare pagese që ka kuptim si për industrinë tuaj ashtu edhe për kompaninë tuaj. Sigurohuni që sistemi juaj i faturimit ose përfaqësuesi i caktuar të dërgojë kujtesa automatike kur pagesa do të ndodhë.

Lexo: Ja cilat janë eventet që do të zhvillohen gjatë periudhës Shtator – Tetor për bizneset dhe startup-et

Nëse po ofroni shërbime afatgjata, merrni parasysh një strukturë pagese me shumë faza. Ndërtoni në kontratën tuaj një depozitë përpara, dhe pagesa të pjesshme për shkak të arritjeve të momenteve specifike. Thjeshtoni jetën për ju dhe klientin tuaj duke e bërë të lehtë kryerjen e pagesave.

Bëni një kontroll për aq sa keni shpenzuar
Shpenzimet e panevojshme shpesh janë të pa shmangshme. Prandaj një herë në vit duhet të uleni dhe të rishikoni shpenzimet tuaja.

  • Cilat shpenzime nuk ju duhen më?
  • Cilat shpenzime ishin të tepërta?
  • Cila mund të zëvendësohet me mundësi më të lira ose më të mira?
  • Cilat borxhe mund të shlyeni ose rifinanconi me kushte më të favorshme?
  • A duhet të zëvendësoni qiratë e pajisjeve me blerje të drejta?
  • Cilat shpenzime të reja do të ishin të zgjuara për të marrë në këtë fazë?

Ndërsa rishikoni kostot tuaja të një viti rrjesht, kërkoni vazhdimisht mundësi për të maksimizuar vlerën e secilës monedhë që po shpenzoni.

Lexo: 5 gjërat që duhet të keni parasysh para se të shkruani librin tuaj të biznesit

Jini proaktivë për marrjen e borxhit
Përdorimi i një karte ju ndihmon të gjurmoni dhe organizoni shpenzimet tuaja dhe mund të ndihmojë në një rrjedhë më të mirë të parave. Pra, është e rëndësishme të zgjidhni një kartë biznesi me shumë përfitime të vlefshme dhe shpërblime të pakufizuara.

Business Insider