5 gabimet më të zakonshme që bëjnë menaxherët, sipas punonjësve

Gjatë pesë viteve të fundit, janë kryer disa sondazhe në vendin e punës për të zbuluar se cilat janë prej gabimeve që menaxherët bëjnë  më shpesh se të tjerët.

Të dhënat zbulojnë disa modele të dukshme që vazhdojnë të ekzistojnë edhe në punën në  distancë. Këto gjetje ndahen nga pesë temat më të zakonshme – pesë gabimet më të mëdha që menaxherët bëjnë.

  1. Mikromenaxhimi

Kjo nuk është surprizë. Menaxherët që dominojnë punonjësit, vendimet dhe proceset e punës si edhe drejtojnë përmes frikës, gabojnë. Një gjë e tillë në fund të ditës prish motivimin dhe kreativitetin e ekipit.

  1. Menaxhimi përmes fuqisë dhe egos

Kur menaxherët e vendosin veten në një piedestal si burim për të gjitha përgjigjet dhe idetë më të mira dhe e përdorin atë për të ushtruar pushtet ose kontroll mbi njerëzit, kjo gjë është shkatërruese.

Të gjithë kemi një farë egoizmi që jeton brenda nesh, por kur përqendrohemi tepër te krenaria dhe egoja jonë, kjo ndikon negativisht te atmosfera e ekipit.

  1. Nuk dëgjojnë

Mungesa e dëgjimit aktiv dhe me respekt është një mangësi e shumë menaxherëve. Gjatë punës së ngarkuar, ata nuk marrin kohën për të ngadalësuar pak dhe për të dëgjuar se çfarë po ndodh përreth tyre. Kjo mund të jetë e rrezikshme sepse ata humbasin detaje që në fund ndikojnë te performanca e punonjësve.

  1. Mosrespektimi i punonjësve

Nëse punëdhënësi ose menaxherët i shohin punonjësit si të zëvendësueshëm në vend të të parit si kolegë të denjë për t’u trajtuar qoftë edhe si partnerë biznesi, është një gjë e gabuar. Çfarë duan punonjësit për t’u ndjerë të vlerësuar nga shefat e tyre?

  • Investoni tek ata.
  • Identifikoni aftësitë dhe pikat e tyre të forta dhe unike dhe përdorni kur është më e përshtatshme.

5.Mungesa e besimit

Duke qenë se në shumicën e rasteve, janë punonjësit ata që kanë kontakt me klientët dhe e dinë se si funksionojnë gjërat, menaxherët duhet të kenë besim. Nga ana tjetër, edhe këta të fundit duhet të fitojnë besimin e punonjësve, sepse kjo marrëdhënie nxit një kulturë të këndshme dhe efektive në ambientin e punës.

INC

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale