4 Mënyra se si të shkëlqeni në një intervistë pune - Business Magazine Albania

4 Mënyra se si të shkëlqeni në një intervistë pune

~7 minuta lexim


Jepini intervistuesit tuaj një shtrëngim duarsh të fortë. Bëni kontakt me sy. Përgjigjuni secilës pyetje në mënyrë të qartë e të përmbledhur. Bëni pyetje intervistuesit në fund.

Përcillni këto katër mesazhe në intervistën tuaj të radhës dhe të jeni të sigurt se do të arrini sukses.

  1. Ju keni qenë të pazëvendësueshëm në punët e mëparshme

Menaxherët duan të punësojnë njerëz që njihen për korrektësinë e tyre në punë. Logjika këtu është se nëse keni qenë të suksesshëm në punët tjera, atëherë ka të ngjarë që të jeni të suksesshëm edhe në këtë rast. Në të vërtetë, asgjë nuk i rrit shanset tuaja për punësim më shumë sesa një profil i arritjes së rezultateve të mira në punët e kaluara.

Pra, detyra juaj e parë në intervistë është të përshkruani se sa të domosdoshëm keni qenë në punën tuaj të mëparshme. Por, mos u tregoni arrogantë duke e zmadhuar jashtë mase kontributin tuaj. Ju duhet t’i jepni intervistuesit shembuj specifikë për punën që keni bërë.

  1. Do të jeni i mrekullueshëm në punën e re

Fatkeqësisht, nëse jeni treguar të suksesshëm në një vend pune nuk do të thotë se ky fakt do t’ju garantojë suksesin edhe në një punë tjetër — dhe për ta bindur intervistuesin se do të tregoheni mbresëlënës në punën e re, ju duhet të shpjegoni se si mund t’i shfrytëzoni aftësitë tuaja për të ndihmuar kompaninë. Në veçanti, ju dëshironi të shfrytëzoni ato aftësi që adresojnë në mënyrë specifike problemet me të cilat përballet menaxheri i punësimit.

Për të kuptuar këtë çështje, bëni hulumtim përpara intervistës. Gjithashtu, dëgjoni me vëmendje se çfarë po pyet intervistuesi – shpesh, ai /ajo do të bëjë pyetjet kryesore ose do të tregojë për sfidat me të cilat janë përballur punonjësit e tjerë.

Për shembull, le të themi që intervistuesi pyet: «Në kemi afate të vështira dhe projektet tona duhet t’i përfundojmë në një kohë të shkurtër. A mund të punoni nën presion?”

Mos thoni vetëm po – jepni një përgjigje më bindëse, si: “Absolutisht. Në punën time të fundit, shpeshherë kemi pasur afate të shkurtra. Unë jam treguar i shkëlqyeshëm në menaxhimin e këtyre situatave sepse komunikoja në mënyrë të vazhdueshme me ekipin dhe i kam përdorur aftësitë e mia organizative për të qëndruar në krye të çdo operacioni”. Pastaj, jepni një shembull specifik.

  1. Ju jeni personi i duhur për këtë punë

Kompanitë duan të punësojnë punonjësit më të kualifikuar bazuar në përvojën dhe aftësitë, por le të jemi të sinqertë: Shpesh një faktor i madh është fuqia e personalitetit.

Menaxherët kryesisht nuk punësojnë njerëz të cilët nuk i pëlqejnë personalisht Sigurisht, ata shpesh thonë se: “Ajo është e zgjuar, por unë thjesht nuk mendoj se është kandidatja e duhur për këtë punë.” Por e vërteta është se menaxherët nuk do t’ju punësojnë nëse nuk i keni pëlqyer si person.

Kështu që, për të fituar vendin e punës, ju duhet të formoni një lidhje me intervistuesin. Unë nuk po sugjeroj që të bëni shaka ose të bëheni shokë — por duhet të dukeni të sigurt në vetvete dhe të silleni sikur tashmë e keni fituar vendin e punës, përmes kontaktit me sy, dëgjimit aktiv, duke buzëqeshur dhe duke shmangur të qeshurat nervoze. Unë e quaj këtë “formalitet i qetë”.

Jeni duke bërë një intervistë, prandaj mos u çlironi shumë, por përpiquni të jeni vetvetja dhe të bëni një bisedë të natyrshme.

  1. Ju me të vërtetë e doni këtë vend pune

Nuk mjafton vetëm që të jeni në gjendje ta kryeni punën- ju duhet ta doni vendin e punës. Drejtuesit e punësimit janë në kërkim të punonjësve që me të vërtetë duan të bëhen pjesë e ekipit për termin afatgjatë.

Pra, duhet të tregoni entuziazëm për vendin e punës. Jo entuziazmin e një tifozi të futbollit, por llojin e entuziazmit që vjen nga të kuptuarit e vendit të punës, se si mund të kontribuoni në këtë kompani duke u bazuar në përvojat tuaja të mëparshme, dhe çfarë sfida të reja ju ofron ky pozicion për rritje dhe zhvillim në karrierë.

TheMuse

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0