Femrat mbajnë 30% të pasurisë private në botë, dhe pjesa më e madhe prej tyre janë ato që e kanë ngritur vetë pasurinë e tyre, sipas një raporti të fundit të Boston Consulting Group.
Për herë të parë në 6 vite, raporti i pasurisë vjetore globale vëzhgoi specifikisht femrat dhe rezultati ishte se midis atyre femrave me kapital privat prej 100,000 $ ose më shumë, 44% e tyre e kanë ngritur të tërën me forcat e tyre, që do të thotë se ato kanë qenë sipërmarrëse ose punonjëse të kompanive dhe e kanë bërë pasurinë e tyre në mënyrë të pavarur. Pjesa tjetër prej 27 % e kanë trashëguar pasurinë e tyre, 15 % e kanë bërë nëpërmjet bashkëshortëve, 9 % prej divorceve dhe 5 % nga një miksim i këtyre kategorive.
Anna Zakrzewski nga Boston Consulting Group theksoi se “hendeku i pagesave midis gjinive po zvogëlohet” për kategorinë e femrave të cilat e kanë bërë vetë pasurinë e tyre. Në total, pasuria e këtyre femrave të marra në shqyrtim i shton 39.6 trilionë $ ekonomisë globale, afërsisht e njëjtë me pasurinё 37 trilionë $ të rajonit të Paqësorit Aziatik e vendosur në prona private.
Që prej raportit më të fundit të BCG rreth pasurisë private të femrave, publikur në 2010-n bazuar në të dhënat e 2009-s, pasuria totale globale e femrave ishte rritur me 3%. Prej 2009-s, kontributi i fermave në ekonominë globale është 2 % më e lartë tani.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
