3 pyetjet që punëkërkuesit iu frikësohen më së shumti - Business Magazine Albania

3 pyetjet që punëkërkuesit iu frikësohen më së shumti


Intervistat janë të frikshme për të gjithë. Në fund të fundit, një gabim i vogël mund të pengojë mundësinë tuaj për ta fituar atë pozicion pune.

Ne hyjmë me përgjigjet tona në kokë, të përsëritura disa herë, për çdo gjë që mendojmë se intervistuesi mund të kërkojë. Por sigurisht, nuk mund të jemi të përgatitur për gjithçka dhe ka disa pyetje që janë më të këqija se të tjerat.

Një sondazh i kryer nga faqja e internetit Totaljobs pyeti 6,000 njerëz që ishin në kërkim të një pune. Në fund të sondazhit, këto tri pyetje u vlerësuan si ato “më të frikshmet”.

1. ‘Përse duhet të të punësoj?’

Kjo është një pyetje e vështirë për t’u përgjigjur, sepse ju mendoni se arsyet janë bërë të qarta gjatë intervistës. Faqja e internetit të karrierës Monster ju këshillon të mendoni për veten si një produkt kur kjo pyetje iu bëhet dhe përpiquni të shisni veten.

Nuk është koha për të folur për atë që ju dëshironi, si puna apo paratë. Në vend të kësaj, trego çfarë mund të bësh ti për kompaninë. Për shembull, nëse kompania po kërkon dikë që të drejtojë një ekip, trego se çfarë aftësish zotëroni për t’a realizuar këtë detyrë në mënyrë efektive.

2. ‘Më fol pak për veten’

Çfarë pyetje prestigjoze dhe e paqartë. Nga t’ia filloni? Hobi juaj? Ku u rritët?

Për fat të keq, kjo shpesh përdoret si një pyetje për të thyer akullin, kështu që ju më mirë të jeni të përgatitur për t’u përgjigjur menjëherë. Gjëja më e mirë që mund të bëni është të përqendroheni dhe të mendoni për atë që dëshironi që intervista të mbahet mend kur të largoheni.

Filloni me përvojat tuaja dhe me suksesin e arritur, pastaj kaloni te aftësitë, pikat e forta dhe kompetencat tuaja.

3. ‘Cila është dobësia jote më e madhe?’

Të gjithë e urrejmë këtë pyetje, sepse duket se nuk ka asnjë përgjigje të mirë për të. Çdo intervistues kërkon të dëgjoj përgjigjet klishe të tipit “Unë jam një perfeksionist” ose “Unë gjithmonë zgjohem herët!” dhe sigurisht, ju nuk duhet të jeni shumë i sinqertë, duke thënë për shembull që gjithmonë shkoni vonë në takime.

Sipas TargetJobs, kjo në të vërtetë mund të jetë një mundësi e mirë për të treguar se ju jeni personi i duhur për këtë punë. Ju duhet të mendoni me të vërtetë për disa nga mangësitë tuaja në të kaluarën dhe të bëni një ndryshim pozitiv. Për shembull, edhe pse keni hasur një problem, ju keni luftuar për ta zgjidhur atë, siç për shembull të flesh herët në darkë për të mos humbur punën ose praktikimi i të folurës në publik.

/BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0