Si udhëheqës biznesi, sot gjendemi në një vend që është shumë i njohur: e panjohura. Saktësisht siç udhëhoqëm ekipet tona në kthimin në punën në distancë dhe fleksibile, tani jemi në prag të një lëvizjeje tjetër të rëndësishme: AI. Dhe siç ndodhi me lëvizjen drejt punës fleksibile, përgatitja e një organizate për të pritur AI do të varet parësisht nga kultura.
Më poshtë do të shpjegojmë tre strategji për ndërtimin e një kulture të gatshme për AI, që ju të jeni të gatshëm për të përdorur inteligjencën artificiale në mënyrë praktike në biznesin tuaj.
1 – Pastro bazat e të dhënave
Sipas Harvard Business Review, shumica e transformimeve AI marrin nga 18 deri në 36 muaj për t’u plotësuar. Pra, le të supozojmë që jemi në muajin #1, ku duhet të filloni? Pastrimi dhe konsolidimi i të dhënave. Këtu hyn në lojë softueri juaj i menaxhimit të biznesit (AMS).
Aftësia, ose mungesa e saj, për të pasur qasje në të gjitha të dhënat e biznesit tuaj është kritike në rrugën tuaj drejt të qenurit gati për AI. Pa të dhënat cilësore, analizat parashikuese nuk do të bëjnë parashikime të sakta. Proceset e ndërlikuara nuk do të funksionojnë. Dhe fushatat automatike të email-ave bazuar në një grup skenarësh të caktuar nuk do të automatizohen.
Mënyra më e lehtë për të siguruar që të dhënat e biznesit tuaj janë të sakta nëpër departamente është të ruani ato të dhëna në një vend: AMS( association management sotfware) juaj. Duke shkatërruar muret e të dhënave – pavarësisht se kush “i zotëron” të dhënat në biznesin tuaj ose ku ndodhet – po i jepni më shumë akses ekipit në tërë hapsirën tuaj të të dhënave për të siguruar që të gjitha të dhënat janë të përditësuara.
Duke i pasur të dhënat në gjendje të mirë, jeni gati të vazhdoni tek hapi tjetër.
Lexo edhe: Pronari i ChatGPT OpenAI do të hapë zyrën e parë “ndërkombëtare” në Londër
2 – Fuqizojini punonjësit tuaj
Të dhënat tuaja janë të sakta dhe janë vendosur në një bazë të vetme të të dhënave. Çfarë ndodh tani?
Për fat të keq, AI nuk është ajo gjë ku mund të klikoni një buton dhe të prisni të shtoni një gamë të plotë të veçorive në bazën tuaj të të dhënave. Ai kërkon mendime serioze – pse ju duhet kjo dhe si do ta zbatoni atë? Për t’u përgjigjur pyetjes “Pse?”, do të duhet të komunikoni me njerëzit që njohin më së miri audiencën tuaj: stafi.
Bashkëpunimi ndërfunksional është i rëndësishëm në procesin e përgatitjes për AI, sipas Microsoft. Prandaj, do të doni të kërkoni përkrahjen e të gjithë anëtarëve të organizatës për të dhënë ide dhe për të bërë pyetje. Më së rëndësishmja, si mendon stafi se organizata juaj mund të përdorë AI për angazhimin e përmirësuar të anëtarëve?
A jeni në kërkim të mënyrave alternative për të fuqizuar punonjësit për të krijuar një kulturë të gatshme për AI? Krijoni forume dhe ngjarje me grupe ku ekipi juaj mund të mblidhet dhe të bashkëpunojë. Gjithashtu, sigurohuni që të gjithë punonjësit, jo vetëm ata me aftësi teknike, që janë më të afërt me anëtarët dhe kanë një sy për mundësitë të reja të biznesit, të rekomandohen të vazhdojnë të mësojnë dhe të edukohen në mënyrë të vazhdueshme.
3 – Vendosni përgjegjësi dhe llogaridhënie
AI sjell me vete njohuri të reja, por organizata juaj do të duhet të sigurojë që dikush të menaxhojë përdorimin e inteligjencës artificiale, të ndjekë rezultatet dhe të marrë vendime të bazuar në të dhënat e fituara. Ashtu siç ndodh me çdo projekt të suksesshëm, do të duhet të matni rezultatet.
Po aq e rëndësishme është përgjegjësia. Për të përdorur sa më mirë AI, do të dëshironi të përgjigjeni pyetjeve të mëposhtme të sugjeruara nga Microsoft: “Si duhet të projektoni, ndërtoni dhe përdorni sisteme AI për të krijuar një ndikim pozitiv tek individët dhe shoqëria? Si mund të sigurojmë që sistemet AI t’i trajtojnë të gjithë në mënyrë të drejtë? Si mund të përgatisim më së miri forcat e punës për epokën e re të AI?”
Disa organizata, si ASAE: Qendra për Lidershipin e Biznesit, kanë përdorur AI për të krijuar newsletters të personalizuara për anëtarët. Të tjerët po përdorin platforma inteligjence të biznesit për të ndihmuar biznesin e tyre të parashikojë të ardhmen e angazhimit të anëtarëve dhe pjesëmarrjes në ngjarje.
Me një kulturë të gatshme për AI , fuqia është në duart tuaja për të bërë ëndrrat tuaja për AI, realitet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
