Në datën 30 Maj, në ambjentet e Qendrës Rinore Tiranë u organizua seminari me tematikë “Magento 2: development and features”.
Prezantimi i Magento 2 u bë nga Ledian Hymetllari dhe Ardjan Shero.
Ata na njohën më shumë me Magento 2, një nga platformat më të fuqishme të eCommerce në treg, që mesa duket po shtrin rrënjët edhe në Shqipëri.
Lediani është ndër të parët që ka marrë certefikimin si developer për këtë platformë. Ai bëri një prezantim të saj, si dhe na solli demo të shkurtra të funksionaliteteve dhe risive që ka sjellë Magento 2 nga Magento 1.
Ledian Hymetllari është një nga ata të rinj që kërkon t’u transmetojë dijen e tij të gjithë të rinjve shqiptarë. Ai është një zhvillues i Magento dhe punon në një kompani të quajtur Shero. Pjesën më të madhe të kohës, ai punon në backend, duke zhvilluar pjesën më komplekse të Magento. Lediani po mbaron studimet për Informatikë, pranë Fakultetit të Shkencave të Natyrës.
Ai gjithashtu është një kontribues në projektet open source si Mailchimp Extension për Magento 2.
Ledian ka qenë shpeshherë i ftuar në shumë konferenca të ndryshme ku flet për platformat open source, mes tyre në Oscal 2016 dhe Oscal 2018.
Në përfundim të seminarit nuk munguan as pyetjet nga të pranishmit, të cilët ishin të rinj kuriozë nga fusha e teknologjisë së informacionit, për të mësuar dhe njohur më shumë këtë platformë.
Në një prononcim për BusinessMag ai tha se së shpejti do të vijë me projekte të tijat në fushën e teknologjisë së informacionit, por pasionin për të do ta përcjellë gjithmonë tek brezat e tjerë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
