Bizneset i kanë paraprirë masës së deklarimit të TVSH-së. Muajin e kaluar është shtuar numri i bizneseve që pezulluan aktivitetin. Flitet kryesisht për sipërmarrje me xhiro mbi 2 milionë lekë deri në 5 milionë lekë. Vendimi që preku rreth 10 mijë biznese në të gjithë vendin, përmes përfshirjs në TVSH, ndikoi në shtimin e ndërmarrjeve që ndërprenë aktivitetin.
Të dhënat e Drejtorisë së Përgjithshme të Tatimeve tregojnë se në qershor, mbi 1.300 biznese vendosën të mos kryejnë aktivitet ekonomik duke kaluar në status pasiv.
Lexoni: Tatimet: bizneset që u hapën këtë vit 6 herë më shumë se ato që u mbyllën
Të dhënat tregojnë se këtë vit është rritur ritmi me të cilin bizneset po mbyllin aktivitetin, ndonëse numri i bizneseve të regjistruara vijon të rritet.
Për shkak edhe të riformatimit në treg, bizneset me më shumë risk janë pikat e vogla tregtare. Edhe pse një mundësi e rëndësishme për vetëpunësim, ekonomistët thonë, se pika të tilla tregtare janë më pak eficiente dhe me kosto të lartë mirëmbajtje.
Drejtoria e Përgjithshme e Tatimeve ka njoftuar më parë se data 10 korrik 2018 është afati i deklarimit të librave të shitjes dhe blerjes për tatimpaguesit me qarkullim 2-5 milionë lekë, të përfshirë në skemën e TVSH-së që prej datës 1 Prill 2018.
Tatimpaguesit, duhet të mbajnë në konsideratë se të dhënat e blerjeve dhe shitjeve regjistrohen në librat e shitjes dhe blerjes në baza mujore.
Dorëzimi i librave kryhet në mënyrë elektronike, nëpërmjet sistemit e-Filing, nëpërmjet llogarisë së deklarimit elektronik që ka vetë subjekti, në rubrikën “Librat e Shitjes dhe Blerjes”. Brenda datës 10 Korrik duhet të deklarohen librat e shitjes dhe blerjes për periudhat tatimore Prill, Maj dhe Qershor.
Në Librin e Shitjes, tatimpaguesi, duhet të regjistrojë në mënyrë kronologjike çdo faturë tatimore shitjeje të lëshuar prej jush, si dhe përmbledhjen e qarkullimit ditor të memorizuar të pajisjes fiskale në një shifër të vetme mujore. Po kështu, në Librin e Blerjes, tatimpaguesi regjistron çdo faturë blerje malli me dhe pa TVSH, sipas kolonave përkatëse.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English