13 thënie nga Stephen Hawking që do t’iu motivojnë të bëni gjëra të mëdha


Fizikanti britanik Stephen Hawking është ndoshta shkencëtari më i njohur dhe më i admiruar në ditët e sotme. Diagnostikuar me sklerozë amyotrophic lateral (ALS), një formë sëmundjeje që prek neuronet motorike, në moshën 21 vjeçare, ai kapërceu sëmundjen për të paraqitur disa prej teorive shkencore më inovatore në shekujt e fundit. Qëllimi i Hawking ka qenë të kuptuarit e universit, duke kushtuar jetën e tij për të zbuluar “The Theory of Everything” – titull i përshtatshëm për portretizimit e jetës së tij, i cili fitoi çmimin Oscar. Stephen Hawking mund të ishte me aftësi të kufizuara në trup, por sigurisht jo në ambiciet e tij.

Stephen Hawking është një nga figurat më frymëzuese dhe transformuese të shekullit të kaluar. Këtu janë Top 13 thëniet e tij që do t’iu frymëzojnë të mendoni gjëra të mëdha.

LexoniFizikanti vizionar, Stephen Hawking ndërron jetë në moshën 76 vjeçare

Këshilla ime për njerëzit e tjerë me aftësi të kufizuara do të ishte, përqendrohuni në gjërat që aftësia juaj nuk ju pengon të bëni mirë dhe mos ndjeni keqardhje për gjërat në të cilat ajo ndërhyn. Mos e kufizoni shpirtin tuaj nga gjendja juaj fizike.

Nuk është mirë që të zemëroheni nëse keni ngecur diku. Unë vazhdoj të mendoj për problemin, por punoj për diçka tjetër. Ndonjëherë zgjidhja është vite përpara në mënyrë që të shohim rrugën që po vjen. Në rastin e humbjes së informacionit dhe vrimave të zeza, ajo ishte 29 vjet.

Inteligjenca është aftësia për t’iu përshtatur ndryshimeve.

Kam vënë re se edhe njerëzit që pretendojnë se gjithçka është e paracaktuar dhe se nuk mund të bëjmë asgjë për ta ndryshuar atë, kontrollojnë para se të kalojnë rrugën.

Të gjithë jemi të ndryshëm, por ndajmë të njëjtin shpirt njerëzor. Ndoshta është natyra njerëzore që na bën të përshtatemi dhe mbijetojmë.

Herën tjetër që dikush ankohet se keni bërë një gabim, i thoni atij se kjo mund të jetë një gjë e mirë. Sepse pa mangësi, as ti, as unë nuk do të ekzistonim.

Mundohuni të kuptoni atë që shihni dhe pyesni për atë që e bën universin të ekzistojë. Jini kureshtarë dhe sado e vështirë mund të duket jeta, gjithmonë ka diçka që mund të bëni dhe të arrini suksesin. Është me rëndësi që të mos hiqni dorë.

Së pari, mos harroni të shikoni lart në yje dhe jo poshtë në këmbët tuaja. Së dyti, kurrë mos hiqni dorë nga puna juaj. Puna ju jep kuptim dhe qëllim dhe jeta është bosh pa të. Së treti, nëse jeni me fat që të gjeni dashurinë, mos harroni se ajo është atje dhe mos e shpërdoroni.

Unë jam vetëm një fëmijë që nuk është rritur kurrë. Ende vazhdoj të bëj pyetjet ‘si’ dhe ‘pse’. Herë pas here, gjej ndonjë përgjigje.

Njerëzit e qetë kanë mendjen më të zhurmshme.

Fakti që kam mbajtur aktive mendjen ka qenë jetike për mbijetesën time, siç ka qenë ruajtja e sensit të humorit.

Disa njerëz do të pretendonin se gjëra si dashuria, lumturia dhe bukuria i përkasin një kategorie të ndryshme nga shkenca dhe nuk mund të përshkruhen në terma shkencorë, por mendoj se ato tani mund të shpjegohen nga teoria e evolucionit.

Është humbje kohe të jem i zemëruar për paaftësinë time. Duhet të vazhdoja me jetën dhe nuk kam bërë keq. Njerëzit nuk do të kenë kohë për ju nëse do të jeni gjithmonë të zemëruar apo të ankoheni vazhdimisht.

burimi: Goalcast

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale