Bota e muzikës rock and roll mban zi për humbjen e yllit të saj, Tina Turner. Ajo u nda nga jeta më 24 maj 2023, në moshën 83-vjeçare.
Në një njoftim zyrtar, përfaqësuesi i saj tha: “Sot, ne i japim lamtumirën Tina Turner, e njohur globalisht si Mbretëresha e Rock’n’Roll-it. Pas një beteje të gjatë me sëmundjen, ajo ndërroi jetë e qetë në shtëpinë e saj në Kusnacht, afër Zyrihut, Zvicër. Vdekja e saj nënkupton humbjen e një figure monumentale muzikore dhe një ikonë frymëzuese.”
Turner i trashëgon botës një pasuri të jashtëzakonshme muzikore, por edhe një model force. Më poshtë sjellim disa prej deklaratave më motivuese të saj.
Lexo: Certifikimi i agroturizmit, lehtësohen procedurat
- “Unë besoj se nëse thjesht ngriheni dhe punoni, rrugët do të hapen për ju”.
- “Sekreti im më i madh i bukurisë është të jem e lumtur me veten time. Unë nuk përdor kremra ose trajtime speciale – do të përdor pak nga çdo gjë. Është gabim të mendosh se je ajo çfarë i vesh vetes. Unë besoj se shumë nga mënyra se si dukeni ka të bëjë me atë se si ndiheni për veten dhe jetën tuaj. Lumturia është sekreti më i madh i bukurisë”.
- “Nuk e urrej më veten. Dikur e urreja punën time, e urreja atë imazh seksi, i urreja ato fotot e mia në skenë, e urreja atë personin e madh të egër. Në skenë, po aktroj gjatë gjithë kohës që jam atje. Sapo dal nga kënga, jam përsëri Tina”.
- “Unë nuk jam e mençur, por mençuria është aty; është si të relaksoheni dhe të pranoni gjërat”.
- “Unë nuk kisha askënd, asnjë themel në jetë, kështu që më duhej të bëja rrugën time. Gjithmonë, që nga fillimi. Më duhej të dilja në botë dhe të bëhesha e fortë, për të zbuluar misionin tim në jetë”.
- “Ju i çoni problemet tuaja te Zoti, por ajo që ju duhet vërtet është që Zoti t’ju çojë në brendësinë tuaj”.
- “Forca fizike në një grua – kjo është ajo që jam”.
- “Njerëzit mendojnë se jeta ime ka qenë e vështirë, por unë mendoj se ka qenë një udhëtim i mrekullueshëm. Sa më shumë të rritesh, aq më shumë kupton se nuk është ajo që ndodh, por mënyra se si e trajton atë”.
- “Ndonjëherë ju duhet të lini gjithçka të shkojë – pastroni veten. Nëse jeni të pakënaqur me ndonjë gjë… çfarëdo që ju rrëzon, hiqeni qafe atë. Do të kuptosh se, kur të jesh i lirë, del në pah krijimtaria jote e vërtetë, vetvetja jote e vërtetë”.
- “Unë jam bërë vetë. Gjithmonë kam dashur ta bëj veten një person më të mirë, sepse nuk isha e arsimuar. Por kjo ishte ëndrra ime – të kisha qënë në shkollë”.
- “Dua t’u tregoj njerëzve se si të jetojnë shpirtërisht. Pasi të keni blerë të gjitha shtëpitë dhe rrobat tuaja, dëshironi diçka më të madhe”.
- “Trashëgimia ime është se kam qëndruar në rrugë… nga fillimi deri në fund, sepse besoja në diçka brenda meje”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
